COVID-19
ជាតិ
៣នាក់ទៀតស្លាប់ដោយសារកូវីដ-១៩ សរុប៥៩នាក់នៅកម្ពុជា លោកស្រី ឱ វណ្ណឌីន អ្នកនាំពាក្យក្រសួងសុខាភិបាល
× ពលរដ្ឋខ្មែរ៣នាក់ទៀតដែលមានបុរសអាយុ៥៥ឆ្នាំ ស្ត្រីអាយុ៨៣ឆ្នាំ និងស្ត្រីអាយុ៨១ឆ្នាំបានស្លាប់ដោយសារកូវីដ-១៩ ដែលធ្វើឲ្យចំនួនសរុបឡើងដល់៥៩នាក់។
បុរសអាយុ៥៥ឆ្នាំ រស់នៅសង្កាត់ផ្សារថ្មី២ ខណ្ឌដូនពេញ។ គាត់ចូលសម្រាកនៅពេទ្យមិត្តភាពខ្មែរ-សូវៀត កាលពីយប់ថ្ងៃទី១១ ខែមេសា ហើយបាត់បង់ជីវិតនាម៉ោង៤ និង៣០នាទីរសៀលថ្ងៃទី២១ ខែមេសា។
ស្ត្រីវ័យ៨៣ឆ្នាំ រស់នៅសង្កាត់ផ្សារកណ្តាល១ ខណ្ឌដូនពេញ។ គាត់បានចូលសម្រាកពេទ្យកាល់ម៉ែត កាលពីរសៀលថ្ងៃទី២១ ខែមេសា ហើយបានស្លាប់នារយៈពេល៤០នាទីបន្ទាប់នៅថ្ងៃដែល ដោយសារស្ថានភាពហត់ដង្ហក់ខ្លាំង និងស្ទះផ្លូវដង្ហើម។
ស្ត្រីវ័យ៨១ឆ្នាំ ដែលរស់នៅក្រុងតាខ្មៅ ខេត្តកណ្តាល បានចូលសម្រាកនៅមន្ទីរពេទ្យបង្អែកជ័យជំនះ នៅថ្ងៃទី១៤ ខែមេសា ហើយស្លាប់នៅព្រឹកថ្ងៃទី២១ ខែមេសា។
តាមការសន្និដ្ឋាន អ្នកជំងឺទាំងបី បានស្លាប់បាត់បង់ជីវិតដោយសារវិបត្តិផ្លូវដង្ហើមស្រួចស្រាវធ្ងន់ធ្ងរ និងរលាកសួតទាំងសងខាង បណ្តាលមកពីវីរុសកូវីដ-១៩៕
© រក្សាសិទ្ធិដោយ thmeythmey.com