រដ្ឋបាលខេត្តកំពង់ឆ្នាំង បញ្ជាក់ក្នុងសេចក្តីប្រកាសព័ត៌មានថា៖«ការបិទបណ្តោះអាសន្នទីតាំងខាងលើ ដើម្បីទប់ស្កាត់ការរាលដាលនៃជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈ បន្ទាប់ពីរដ្ឋបាលខេត្តទទួលលទ្ធផលពីវិទ្យាស្ថានសុខភាពសាធារណៈ រកឃើញអ្នកវិជ្ជមានជំងឺកូវីដ-១៩ នៅថ្ងៃទី២៣ ខែមេសា ឆ្នាំ២០២១»។ 
 

រដ្ឋបាលខេត្តកំពង់ឆ្នាំង បានអំពាវនាវដល់ពលរដ្ឋដែលបានប៉ះពាល់ផ្ទាល់ និងប្រយោលក្នុងព្រឹត្តិការណ៍ខាងលើ ទៅផ្តល់សំណាកធ្វើតេស្តរកវីរុសកូវីដ-១៩ជាបន្ទាន់ នៅមន្ទីរពេទ្យបង្អែកកំពង់ត្រឡាច ចាប់ពីថ្ងៃទី២៤ ខែមេសា ឆ្នាំ២០២១ តទៅ និងត្រូវធ្វើចត្តាឡីស័ក១៤ថ្ងៃ ឲ្យបានត្រឹមត្រូវ។
 

ជាមួយគ្នានេះ រដ្ឋបាលខេត្តកំពង់ឆ្នាំង ប្រាប់អាជីវករ និងអ្នកធ្លាប់ចេញចូលទីតាំងខាងលើ ក៏ត្រូវតាមដានសុខភាពរបស់ខ្លួនជាប្រចាំ ហើយបើមានរោគសញ្ញាសង្ស័យ ត្រូប្រញាប់ទំនាក់ទំនងទៅក្រុមការងារ ឬមណ្ឌលសុខភាពនៅជិតបំផុត ដើម្បីផ្តល់សំណាកទៅពិនិត្យ៕