កុមារតូចម្នាក់ ឬទារកតូចម្នាក់ត្រូវទទួលបានម្សៅទឹកដោះចំនួនពីរកំប៉ុង។ កាលពីចុងសប្តាហ៍កន្លងទៅនេះ ក្រុមការងាររបស់លោក ហ៊ុន ម៉ានី បានផ្ដល់អំណោយម្សៅទឹកដោះគោដល់អ្នកភូមិចំនួន៥៧គ្រួសារហើយ។ ពួកគេគឺជាពលរដ្ឋដែលរស់នៅសង្កាត់ស្ទឹងមានជ័យ១ ស្ទឹងមានជ័យ២ និងស្ទឹងមានជ័យ៣ ដែលត្រូវបានកំណត់ជាតំបន់ក្រហមដែលឆ្លងរាលដាលជំងឺកូវីដ-១៩ខ្លាំងនៅក្នុងខណ្ឌមានជ័យ។  ក្នុងចំណោមគ្រួសារដែលទទួលបាន ជំនួយសប្បុរសទាំងនេះ  មាន បុរសម្នាក់ដែលចិញ្ចឹមទារកតែម្នាក់ បានទទួលជំនួយច្រើនជាងគេ គឺ ម្សៅទឹកដោះគោ មួយកេស ដបបំបៅ និងសម្ភារ ប្រើប្រាស់របស់ទារក ដទៃទៀត។

អាជ្ញាធរមូលដ្ឋាន និងប្រជាការពារ បានផ្ដល់កិច្ចសហការដើម្បីនាំយកអំណោយទាំងនេះជូនអ្នកភូមិរបស់ពួកគេ។

ការផ្តល់ជំនួយម្សៅទឹកដោះគោ កំពុងត្រូវធ្វើបន្តទៀតខណ្ឌពោធិ៍សែនជ័យ និងនៅទីកន្លែងផ្សេងទៀត បើសិនជាមានតម្រូវការពីអ្នកភូមិ៕