តាមរដ្ឋបាលខេត្តក្រចេះ ក្នុងចំណោមអ្នកជំងឺទាំង៣នាក់ដែលបានជាសះស្បើយនោះ ដោយម្នាក់ជាកម្មការិនីរោងចក្រឌីនហាន ដែលមានស្រុកកំណើតនៅស្រុកស្នូល ខេត្តក្រចេះ បានធ្វើដំណើរពីរាជធានីភ្នំពេញ កាលពីថ្ងៃទី៣ ខែមេសា។ 

 

ចំណែកអ្នកជំងឺ២នាក់ទៀតជាអ្នកប៉ះពាល់ផ្ទាល់នឹងកម្មការិនីរោងចក្រខាងលើ ដោយម្នាក់ជាមិត្តរួមការងារ និងម្នាក់ទៀតជាពលរដ្ឋនៅក្នុងស្រុកអង្គស្នួលផងដែរ។ 

 

បច្ចុប្បន្នអ្នកជំងឺទាំង៣នាក់នោះត្រូវបានពេទ្យអនុញ្ញាតឲ្យចាកចេញពីមន្ទីរពេទ្យខេត្តក្រចេះហើយ។ ដូច្នេះខេត្តក្រចេះអស់អ្នកជំងឺកូវីដ-១៩ហើយ។ ប៉ុន្តែយ៉ាងណារដ្ឋបាលខេត្តក្រចេះក៏នៅតែអំពាវនាវដល់ពលរដ្ឋបន្តអនុវត្តតាមវិធានការរបស់ក្រសួងសុខាភិបាល។ 

 

 ខេត្តក្រចេះ ក៏ជាខេត្តមួយដែលមានតួលេខអ្នកឆ្លងជំងឺកូវីដ-១៩តិចជាងគេផងដែរ ក្នុងចំណោមខេត្តព្រះវិហារ កំពត កែប ឧត្តរមានជ័យ និងពោធិ៍សាត់។ ខេត្តទាំងនេះមានអ្នកឆ្លងក្រោម១០នាក់។ នេះបើតាមរបាយការណ៍របស់នាយកដ្ឋានប្រយុទ្ធនឹងជំងឺឆ្លង(CDC)ដែលគិតត្រឹមថ្ងៃទី២៥ ខែមេសា៕