តាមសេចក្ដីជូនដំណឹងរបស់ក្រសួងធនធានទឹក និងឧតុនិយម ចាប់ពីថ្ងៃទី២៨មេសាដល់ថ្ងៃទី០៤ឧសភា នៅតាមបណ្ដាខេត្តក្នុងតំបន់វាលទំនាបកណ្ដាល នឹងអាចមានភ្លៀងធ្លាក់រាយប៉ាយពីមធ្យមទៅច្រើននិងអាចធ្វើឲ្យផ្នែកខ្លះនៃភាគខាងត្បូង និងភាគពាយព្យមានភ្លៀងក្នុងបរិមាណច្រើនផងដែរ។ ដោយឡែកនៅតាមបណ្ដា ជាប់ភ្នំដងរែក និងខ្ពង់រាបឦសានវិញ ចាប់ពីថ្ងៃទី២៨មេសាដល់ថ្ងៃទី០៤ឧសភា នឹងអាចមានភ្លៀងធ្លាក់ក្នុងកម្រិតពីមធ្យមទៅបង្គួរខណៈតំបន់មាត់សមុទ្រ នឹងអាចមានភ្លៀងធ្លាក់ពីបង្គួរទៅច្រើន។ 
 

តាមការចេញផ្សាយដដែល រដូវវស្សា នឹងចាប់ផ្ដើមនៅសប្ដាហ៍ទី១ នៃខែឧសភាខាងមុខ។ ជាមួយគ្នានេះ ក្រសួងធនធានទឹក ក៏បានអំពាវនាវឲ្យមានការប្រុងប្រយ័ត្ន លើបាតុភូតផ្គរ រន្ទះ និងខ្យល់កន្ត្រាក់ ដែលអាចកើតមានឡើង ជាពិសេសប្រជាពលរដ្ឋនៅតាមបណ្ដាខេត្តវាលទំនាបកណ្ដាល៕