ជាតិ
គ្មានអ្នកវិជ្ជមានកូវីដ-១៩ អាជ្ញាធរ បើកផ្សារតាពៅ និងផ្សារតាបឹប ក្នុងក្រុងបាវិតឡើងវិញ
×
ដោយ៖ ប៉ូ សុភា
ផ្សារតាពៅ និងផ្សារតាបឹប ក្នុងក្រុងបាវិត ខេត្តស្វាយរៀង ត្រូវបានអាជ្ញាធរបើកឱ្យដំណើរការធម្មតាវិញនៅថ្ងៃទី៣ ខែឧសភា ឆ្នាំ២០២១។ ផ្សារនេះ ត្រូវបានផ្អាកបណ្ដោះអាសន្នចាប់ពីថ្ងៃ ១៥ខែមេសា ដោយសារការទប់ស្កាត់កូវីដ-១៩។
លោក លឹម សៀងហេង អភិបាលក្រុងបាវិត បានបញ្ជាក់ថា៖ «ពលរដ្ឋ ដែលសង្ស័យពាក់ព័ន្ធករណីឆ្លងជំងឺកូវីដ-១៩ នៅក្នុងផ្សារលើ បានទៅធ្វើតេស្ករួចអស់ហើយ។ លទ្ធផល បញ្ជាក់ថា អវិជ្ជមានកូវីដ-១៩។ ដូច្នេះ យើង សម្រេចបើកផ្សារទាំងពីនេះវិញ»។
គិតត្រឹមថ្ងៃទី៤ ខែឧសភា នេះ ខេត្តស្វាយរៀង មានករណីវិជ្ជមានជំងឺកូវីដ-១៩ ចំនួន៣១៤នាក់, ករណីថ្មីថ្ងៃទី៤ ម្នាក់, បានព្យាបាលជាសះស្បើយចំនួន២២២នាក់ ស្លាប់១នាក់ និង៩១នាក់ កំពុងសម្រាកព្យាបាល។
គិតមកដល់ពេលនេះ កម្ពុជាមានអ្នកជំងឺកូវីដ-១៩ ចំនួន ១៦២៩៩ករណី ក្នុងនោះ១៥៧៤៤នាក់ ពាក់ព័ន្ធព្រឹត្តិការណ៍សហគមន៍។ ចំណែកអ្នកជាសះស្បើយ ៥៧៩១នាក់ ខណៈអ្នកជំងឺចំនួន១០៣៩៤នាក់ទៀតកំពុងសម្រាកព្យាបាល៕
Tag:
កូវីដ-១៩
ក្រុងបាវិត
ផ្សារ
បើក
© រក្សាសិទ្ធិដោយ thmeythmey.com