រដ្ឋបាលខេត្តកំពង់ស្ពឺ ប្រកាសពីការរកឃើញអ្នកវិជ្ជមានជំងឺកូវីដ-១៩ ចំនួន១១ករណីបន្ថែមទៀត ក្នុងព្រឹត្តិការណ៍២០កុម្ភៈ។ បើតាមសេចក្ដីប្រកាសព័ត៌មាននៅថ្ងៃទី៨ឧសភា ក្នុងចំណោមនោះមានកុមារាអាយុ២ឆ្នាំម្នាក់ និង៧ឆ្នាំម្នាក់ ដោយឡែក៩នាក់ទៀតសុទ្ធតែជានារី។

 

ក្នុងសេចក្ដីប្រកាសព័ត៌មានរបស់រដ្ឋបាលខេត្តកំពង់ស្ពឺនេះ អ្នកកើតកូវីដ-១៩ ទាំង១១​រូប មាននៅក្នុង ស្រុកសំរោងទង ៣នាក់ មានឈ្មោះ ញ៉ែម សារីន អាយុ៣៨ឆ្នាំ, សួង ស្រីនាង អាយុ ២៥ឆ្នាំ និង ឈិន រំចង់ អាយុ ៤៩ឆ្នាំ។ ដោយឡែកអ្នកវិជ្ជមានម្នាក់ ក្នុងស្រុកភ្នំស្រួច ឈ្មោះ ម៉ន សុគា អាយុ ២៥ឆ្នាំ។
 

ជាមួយគ្នានេះដែរ អ្នកវិជ្ជមានកូវីដ-១៩ ក្នុងស្រុកឧដុង្គ ៧នាក់ទៀត ក្នុងនោះមាន​កុមារាអាយុ ២ឆ្នាំម្នាក់ និង៧ឆ្នាំម្នាក់​។    ស្ត្រី ៥រូបទៀតមានឈ្មោះ ជី ណូកា​ អាយុ ២៨ឆ្នាំ ជាកម្មកររោងចក្របូវឃី, រុន ស្រីនិច្ច អាយុ ២៦ឆ្នាំ, សឿន ម៉ៃ អាយុ ២៦ឆ្នាំ, សឿន ម៉ាន អាយុ២៩ឆ្នាំ និង ចាន់ រដ្ឋា អាយុ ២៨ឆ្នាំ។
 

រដ្ឋបាលខេត្តកំពង់ស្ពឺ ក៏បានអំពាវនាវដល់អ្នកពាក់ព័ន្ធ នឹងអ្នកវិជ្ជមានកូវីដ-១៩ ខាងលើត្រូវទៅពិនិត្យសុខភាព និងធ្វើចត្តាឡីស័ករយៈពេល ១៤ថ្ងៃ ។ ក្នុងករណីមានបញ្ហាសុខភាព អាចទំនាក់ទំនងទៅលេខទូរស័ព្ទ ០១២ ៩៨៥ ៦៨៩ និង ០៨៨ ៥៩៨  ៤៤៩៦។
 

គួរបញ្ជាក់ផងដែរថាគិតមកដល់ពេលនេះ កម្ពុជាមានអ្នកកើតកូវីដ-១៩ ចំនួន ១៨៧១៧​នាក់ ដែល​ក្នុងនោះ​សះស្បើយ​ចំនួន ៧៣៤០​នាក់ និង​ស្លាប់មាន​១១៤​នាក់​៕