អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ២០២៣ (CAMSOC) បានកំណត់ជ្រើសរើសយកទីតាំងចំនួន ៥ នៅរាជធានី-ខេត្ត ដើម្បីរៀបចំការប្រកួតកីឡាស៊ីហ្គេម ឆ្នាំ២០២៣។
 

លោកវ៉ាត់ ចំរើន អគ្គលេខាធិការគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ តាមរយៈទំព័រហ្វេសប៊ុកផ្លូវការរបស់ CAMSOC បានបង្ហោះនៅថ្ងៃទី១២ ខែឧសភា ថា ទីតាំងធំៗចំនួន៥រាជធានី-ខេត្តនេះ មានដូចជារាជធានីភ្នំពេញ សៀមរាប ព្រះសីហនុ កែប និងខេត្តកំពត។ យ៉ាងណាក៏ដោយ សេចក្តីសម្រេចខាងលើត្រូវស្នើសុំការសម្រេចពីសម្ដេចពិជ័យសេនា ទៀ បាញ់ ដែលជាប្រធាន CAMSOC។ 
 

នៅសល់មិនដល់២ឆ្នាំទៀតទេ ដំណើរឆ្ពោះទៅកាន់ការរៀបចំធ្វើជាម្ចាស់ផ្ទះ កីឡាស៊ីហ្គេម លើកទី៣២ និងកីឡាជនពិការ អាស៊ានប៉ារ៉ាហ្គេម លើកទី១២ ឆ្នាំ២០២៣ នៅទឹកដីកម្ពុជានឹងចូលមកដល់។ 
 

ព្រឹត្តិការណ៍កីឡាជាប្រវត្តិសាស្ដ្រលើកដំបូងរបស់កម្ពុជាគ្រោងនឹងប្រារព្ធពិធីបើកផ្លូវការ នៅថ្ងៃទី៥ ខែឧសភា ឆ្នាំ២០២៣៕