ពលរដ្ឋជាង៧២ម៉ឺននៅតំបន់ក្រហម ដែលបានចាក់វ៉ាក់សាំងហើយនោះ គឺស្ថិតនៅខណ្ឌពោធិ៍សែនជ័យ ខណ្ឌដង្កោ ខណ្ឌកំបូល ខណ្ឌទួលគោក និងខណ្ឌឫស្សីកែវ។ ក្រសួងការពារជាតិ បើកយុទ្ធនាការចាក់វ៉ាក់សាំងកូវីដ-១៩ ឱ្យពលរដ្ឋនៅតំបន់ក្រហម ចាប់ពីថ្ងៃទី១ឧសភា ឆ្នាំ២០២១មក។ 
 

បើតាមរបាយការណ៍ក្រសួងសុខាភិបាល កម្ពុជាចាក់វ៉ាក់សាំងបង្ការជំងឺកូវីដ-១៩  ដល់ប្រជាពលរដ្ឋ និងកងកម្លាំងយោធានៅទូទាំងប្រទេសបាន២,១៣៣,១១៦នាក់ហើយ នាត្រឹមថ្ងៃទី១៩ឧសភានេះ។ ចំនួនអ្នកដែលបានចាក់វ៉ាក់សាំងនេះ គឺស្មើនឹងអត្រា២០,១៣ភាគរយនៃមនុស្សសរុប១០លាននាក់ ក្នុងផែនការចាក់វ៉ាក់សាំងរបស់រដ្ឋាភិបាល។ 
 

បច្ចុប្បន្ន កម្ពុជាមានវ៉ាក់សាំងបង្ការជំងឺកូវីដ-១៩ ចំនួន៥,០២៤,០០០ដូស សម្រាប់ចាក់ជូនប្រជាពលរដ្ឋ។ ក្នុងនោះ មានវ៉ាក់សាំងCovishield ចំនួន៣២៤,០០០ដូស វ៉ាក់សាំងរបស់ក្រុមហ៊ុនSinopharm ចំនួន១,៧លានដូស និងវ៉ាក់សាំងរបស់Sinovac ចំនួន៣លានដូស ខណៈវ៉ាក់សាំងបង្ការជំងឺកូវីដ-១៩ ចំនួន១លានដូសទៀត  នឹងមកដល់កម្ពុជា នៅថ្ងៃទី២៣ឧសភា ឆ្នាំ២០២១៕