Juventus បញ្ចប់តំណែង Pirlo ក្រោយដឹកនាំបាន១រដូវកាល

កីឡាអន្តរជាតិ

អន្តរជាតិ

Juventus បញ្ចប់តំណែង Pirlo ក្រោយដឹកនាំបាន១រដូវកាល

28, May 2021 , 5:01 pm

រូបភាព

ដោយ: ទេព ពិទូរ្យ

Juventus បានបញ្ចប់តំណែងលោក Andrea Pirlo ជាអ្នកចាត់ការទូទៅ ក្រោយដឹកនាំបានមួយរដូវកាល។ ក្រោមការដឹកនាំរបស់ Pirlo ក្រុមរហ្សនាមសេះបង្កង់មិនអាចការពារជើងឯក Serie A បានឡើយ និងទទួលបានតែពាន Coppa Italia មួយប៉ុណ្ណោះ។ នេះបើតាមសេចក្តីប្រកាសរបស់ក្លិបយក្សអ៊ីតាលីលើវេបសាយផ្លូវការរបស់ខ្លួននៅល្ងាចថ្ងៃទី២៨ ខែឧសភា។

Pirlo ត្រូវបាន Juventus ផ្តល់ការទុកចិត្ត ដើម្បីជំនួសលោក Maurizio Sarri កាលពីចុងបញ្ចប់រដូវមុន។ ១រដូវកាលដំបូង អ្នកចាត់ការសញ្ជាតិអ៊ីតាលី វ័យ៤២ឆ្នាំរូបនេះ បានធ្វើឱ្យ Juventus មិនអាចឈ្នះពានលីគកំពូលអ៊ីតាលីជាលើកដំបូង ចាប់តាំងពីពួកគេគ្រងជើងឯកជាប់ៗគ្នា តាំងពីឆ្នាំ ២០១២ មក។

សេះបង្កង់ ស្ទើតែរបូតកៅអីលេង Champions League រដូវកាលក្រោយទៀតផង ក្រោយបញ្ចប់រដូវកាល ២០២០-២១ ក្នុងចំណាត់ថ្នាក់ទី៤ ដោយមានតែ១ពិន្ទុប៉ុណ្ណោះពីលើក្រុមលេខ៥ Napoli ដែលភ្លាត់ស្នៀតចាញ់នៅប្រកួតបិទរដូវកាល៕

«មជ្ឈការ»មានន័យខុសពី«វិមជ្ឈការ»ដូចម្តេច?

6 ថ្ងៃ

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

17 ម៉ោង

«ប្រេសិត»មានន័យដូចម្តេច?

1 សប្តាហ៍

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

3 ថ្ងៃ

តើពាក្យ «ដុតដៃដុតជើង» មានន័យដូចម្តេច?

2 ថ្ងៃ

អត្ថបទពេញនិយមបន្ថែម