COVID-19
អន្តរជាតិ
រូបភាព៖ AFP
×![]()
ដោយ: ធៀន ភារិន្ទ
គិតត្រឹមល្ងាចថ្ងៃទី២៩ ខែឧសភា ករណីឆ្លងកូវីដ-១៩ បានហក់ឡើងដល់ជាង ១៧០លានករណី ខណៈអ្នកស្លាប់កើនដល់ ៣,៥លាននាក់។ ចំណែកអ្នកជាសះស្បើយមានចំនួនជាង ១៥២លាននាក់។
ជាងរយៈពេល ១ឆ្នាំ កន្លងមកនេះ កូវីដ-១៩ នៅតែបន្តរាតត្បាតនៅលើពិភពលោក។ ករណីឆ្លងសរុបបានកើនដល់ ១៧០១៨៦៣៩៦ករណី និងអ្នកស្លាប់មានចំនួន ៣៥៣៩០៦៨នាក់។
អាមេរិក នៅតែជាប្រទេស ដែលមានករណីឆ្លងកូវីដ-១៩ ច្រើនជាងគេ ខណៈឥណ្ឌាឈរនៅលំដាប់ទី២។ យ៉ាងណាមិញ ករណីឆ្លងនៅឥណ្ឌា ថមថយបានច្រើន ដោយធ្លាក់មកត្រឹមជាង ១៧ម៉ឺនករណី បើធៀបនឹងមួយរយៈមុន ដែលមានរហូតដល់ជាង ៤០ម៉ឺនករណី ក្នុងមួយថ្ងៃ។ ចំណែកប្រេស៊ីល ជាប្រទេសមានកូវីដ-១៩ ច្រើនលំដាប់ទី៣ លើពិភពលោក ក៏មានករណីឆ្លងធ្លាក់ចុះដែរ ដោយមានជាង ៥ម៉ឺនករណីប៉ុណ្ណោះ នៅថ្ងៃទី២៨ ខែឧសភា។
ចំណែកនៅតំបន់អាស៊ានវិញ កូវីដ-១៩ ក៏បានអុកឡុកខ្លាំងដែរ មកលើប្រទេសចំនួន៩ លើកលែងតែព្រុយណេចេញ។ រដ្ឋាភិបាលក្នុងតំបន់ បានចាត់វិធានការរៀងៗខ្លួន ដើម្បីទប់ស្កាត់កូវីដ-១៩។ ប្រទេសដែលមានករណីឆ្លងកូវីដ-១៩ច្រើនជាងគេក្នុងតំបន់ គឺឥណ្ឌូណេស៊ី ដែលមានជាង ១,៨លានករណី ខណៈហ្វីលីពីនជាង ១,២លាននាក់។ ព្រុយណេ គឺជាប្រទេសដែលមានតួលេខកូវីដ-១៩ តិចជាងគេនៅក្នុងតំបន់អាស៊ាន ដោយមានត្រឹមតែ២៤១ករណីប៉ុណ្ណោះ និងមានអ្នកស្លាប់ចំនួន ៣នាក់៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
