បើតាមលោក អ៊ូច ភា អភិបាលខេត្តតាកែវ ការសម្រេចបិទផ្សារសៃវ៉ា គឺដើម្បីកុំឲ្យជំងឺកូវីដ-១៩រាលដាលកាន់តែខ្លាំងឡើង បន្តទៅកាន់ភូមិសាស្ត្រផ្សេងទៀត។

 

អភិបាលខេត្តតាកែវបានអំពាវនាវដល់ ជីវករលក់ដូរ ព្រមទំាងគ្រួសារ ត្រូវទៅផ្តល់សំណាកដល់មន្ត្រីសុខាភិបាល។ ក្រោយធ្វើតេស្តរួច អាជីវករ និងគ្រួសារទាំងអស់ ក៏ត្រូវធ្វើចត្តាឡីស័កនៅផ្ទះ១៤ថ្ងៃ និងតាមដានសុខភាពជាប្រចាំផងដែរ។ 

 

លោក អ៊ូច ភា បានសង្កត់ធ្ងន់ថា ករណីពលរដ្ឋណាមិនគោរពទៅតាមវិធានការនេះ ពួកគេនឹងត្រូវទទួលទោសតាមច្បាប់ ស្តីពីវិធានការទប់ស្កាត់ការរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត និងលិខិតបទដ្ឋានគតិយុត្តពាក់ព័ន្ធជាធរមាន។

 

គិតមកដល់ពេលនេះ កម្ពុជាមានអ្នកឆ្លងសរុប ៣០ ០៩៤នាក់ ក្នុងនោះករណីនាំចូលសរុបមាន ៩០០នាក់។ អ្នកជាសះស្បើយ ២២ ៦៣៦នាក់ ខណៈអ្នកស្លាប់ កើនដល់ ២១៤នាក់៕