លោក ហ៊ុន ម៉ានី និងភរិយា តែងមានកម្មវិធីជួបជុំ ជាមួយកុមារនៃផ្ទះបាយកុមារ រហូតដល់កុមារទាំងនោះ ហៅចាត់ទុកអ្នកទាំងពីរថា ប៉ានិងម៉ាក់។ ផ្ទះបាយកុមារ ជាអង្គការដែលផ្តល់អាហារ ដល់កុមារក្រីក្រជាច្រើនរយនាក់ ជារៀងរាល់ថ្ងៃ តាំងពីច្រើនឆ្នាំមកហើយ។ 

«ឆ្នាំនេះ បើទោះយើងមិនអាចជួបជុំគ្នាជាទ្រង់ទ្រាយធំបាននៅឡើយក៏ពិតមែន តែក្តីស្រលាញ់ និងនឹករឭក របស់ប៉ា និងម៉ាក់ ចំពោះកូនៗទាំងអស់ នៅតែមានជានិច្ច ហើយពួកយើងពិតជាចង់ជួបកូនៗណាស់»។

 

ក្នុងទិវាសិទ្ធិកុមារអន្តរជាតិឆ្នាំនេះ លោក ហ៊ុន ម៉ានី ដែលជាប្រធានសហភាពសហព័ន្ធយុវជនកម្ពុជា បានលើកទឹកចិត្តឱ្យកុមារនៃអង្គការ ខិតខំរៀនសូត្រ ដើម្បីត្រៀមខ្លួនជាសរសរទ្រូងរបស់ប្រទេសជាតិ៕