COVID-19
ជាតិ
កម្ពុជា រកឃើញ៥៣៨នាក់ទៀតវិជ្ជមានកូវីដ-១៩ សះស្បើយ៥៣៤នាក់ ខណៈ១០នាក់ទៀតស្លាប់ ទីបូជាសពអ្នកស្លាប់ដោយសារកូវីដ-១៩ នៅខេត្តព្រៃវែង។ រូបភាព៖ ហ្វេសប៊ុករដ្ឋបាលខេត្តព្រៃវែង
× កម្ពុជារកឃើញមនុស្ស ៥៣៨នាក់ទៀត វិជ្ជមានកូវីដ-១៩ ខណៈ ៥៣៤នាក់បានជាសះស្បើយ។ នេះបើតាមរបាយការណ៍របស់ក្រសួងសុខាភិបាល នៅថ្ងៃសៅរ៍ ទី៥ ខែមិថុនានេះ ដែលបានឱ្យដឹងទៀតថា ក្នុងចំណោមអ្នកនាំចូលទាំង ៥៣៨នាក់នោះ មាន២៩នាក់ជាករណីនាំចូល ខណៈអ្នកស្លាប់មាន ១០នាក់ទៀត។
ការរកឃើញករណីនាំចូលជាបន្តបន្ទាប់ ក៏បង្កើនជាក្តីបារម្ភសម្រាប់អ្នកជំនាញផងដែរ ដ្បិតថាអ្នកជំងឺ ក៏អាចមានមេរោគបំលែងថ្មីដែលកម្រិតឆ្លងរឹតតែកាចសាហាវ។ ជាក់ស្តែង កាលពីយប់ថ្ងៃទី៤ មិថុនា ក្រសួងសុខាភិបាលបានប្រកាសពីការរកឃើញប្រភេទវីរុសបំប្លែងថ្មី B.1.617 លើអ្នកជំងឺ៣រូប ដែលជាពលករទើបត្រឡប់ពីថៃ តាមច្រកអូរស្មាច់។ អ្នកជំងឺនោះមាន ១នាក់ កំពុងសម្រាកព្យាបាលនៅពេទ្យឧត្តរមានជ័យ, ១នាក់សម្រាកព្យាបាល នៅពេទ្យឯកភ្នំ និង១នាក់នៅពេទ្យមោងឫស្សី ខេត្តបាត់ដំបង។
គិតមកដល់ពេលនេះ កម្ពុជាមានអ្នកឆ្លងសរុប ៣៣៦១៣នាក់ ក្នុងនោះករណីនាំចូលសរុបមាន ១០៥៣នាក់។ អ្នកជាសះស្បើយ ២៦០៧៨នាក់ ខណៈអ្នកស្លាប់ កើនដល់ ២៥២នាក់៕
© រក្សាសិទ្ធិដោយ thmeythmey.com