Sergio Aguero កីឡាករសញ្ជាតិអាហ្សង់ទីន ទើបចូលរួមជាមួយក្លិបអ្នកមានបុណ្យ Barcelona ដោយគ្មានតម្លៃខ្លួន។ លោក Pep Guardiola អ្នកចាត់ការ Man City ហាក់បង្ហាញការសោកស្ដាយចំពោះការចាកចេញនេះ ស្របពេលមានពាក្យចចាមអារ៉ាមថា លោកបង្ខំឱ្យលោក Aguero ចាកចេញពីក្លិប។ 
 

«Ronald Koeman បានធ្វើរឿងមួយដ៏អស្ចារ្យដែលបានចុះកុងត្រាលើ Sergio Aguero។ រូបគេគឺជាអ្នករកគ្រាប់បាល់ដ៏អស្ចារ្យម្នាក់។ គេប្រៀបបានដូចគ្រាប់ពេជ្រមួយគ្រាប់សម្រាប់ក្រុម Man City ហើយរូបគេពិតជាកីឡាករម្នាក់ដែរឆ្លាតវៃនៅលើទីលាន។ ទាំងអស់នេះហើយដែរខ្ញុំបានប្រាប់ទៅលោក Koeman ។ ពួកគេបានបង្កើតនៅការចុះកុងត្រាដ៏ល្អមួយនៅពេលនេះ។» លោក Guardiola ប្រាប់ប្រព័ន្ធផ្សព្វផ្សាយអេស្ប៉ាញបែបនេះ។
 

ការអធិប្បាយរបស់លោក Guardiola ធ្វើឡើងក្រោយឪពុក Aguero គឺលោក Leonel del Castillo ជាអ្នករិះគន់អ្នកចាត់ការរូបនេះ។ លោក Castillo អះអាងថា លោក Guardiola មិនដែលចង់បាន Aguero ឡើយ៕