កម្មវិធីប្រកួតប្រជែងសិស្សឆ្នើមផ្នែកគណិតវិទ្យាអូឡាំព្យាដអាស៊ី-សិង្ហបុរីឆ្នាំ២០២១(SASMO) តែងតែរៀបចំឡើងដោយមជ្ឈមណ្ឌលប្រឡងសមត្ថភាពជំនាញអន្តរជាតិនៃសិង្ហបុរីជារៀងរាល់ឆ្នាំ។ កម្មវិធីនេះ គឺជ្រើសរើសសិស្សចាប់ពីថ្នាក់ទី១ ដល់ថ្នាក់ទី១២នៅតាមបណ្តាប្រទេសនានា ដើម្បីចូលរួមប្រកួតក្នុងកម្មវិធីប្រកួតប្រជែងសិស្សឆ្នើមផ្នែកគណិតវិទ្យា អូឡាំព្យាដ។  

 

ក្នុងចំណោមសិស្សចំនួន៦២នាក់នេះ គឺ១៤នាក់ បានទទួលមេដាយមាស ក្នុងការប្រកួតប្រជែងសិស្សឆ្នើមផ្នែកគណិតវិទ្យាប្រចាំកម្ពុជា។ ១៤នាក់ទៀតទទួលបានមេដាយប្រាក់ និង៣៤នាក់ទៀតទទួលបានមេដាយសំរឹទ្ធ។ សិស្សកម្ពុជាចំនួន៦២នាក់ នឹងបន្តប្រកួតគណិតវិទ្យាជាមួយសិស្សជាង២,៨ម៉ឺននាក់ទៀត ដែលមកពី២៦ប្រទេស តាមអនឡាញ។ 

 

ជ័យលាភីសិស្សឆ្នើមផ្នែកគណិតវិទ្យាប្រចាំកម្ពុជា ចំនួន៦០នាក់នេះ គឺបានផ្តល់ស្នាមញញឹមដល់ឪពុកម្តាយ និងក្រុមគ្រួសាររបស់ពួកគេ និងធ្វើឲ្យមហាជនកោតសសើរពីសមត្ថភាព និងភាពវៃឆ្លាតរបស់ពួកគេផងដែរ។ 

 

 

អ្នកស្រី លីម សុចិន្តា បានរៀបរាប់ដូច្នេះថា៖«ខ្ញុំចង់ដឹងពីសមត្ថភាពរបស់កូន ថាកូនធ្វើបាន ឬមិនបាន។ ពីព្រោះគាត់នៅតូចអ៊ីចឹង ខ្ញុំចង់ឲ្យគាត់ចូលប្រឡូកប្រឡងប្រកួតប្រជែង ដើម្បីឲ្យគាត់យល់ និងដឹងថា ការប្រកួតប្រជែងនឹងគឺត្រូវត្រៀមអ្វីខ្លះ និងមានអារម្មណ៍យ៉ាងម៉េច ដើម្បីនៅពេលគាត់ធំឡើងគាត់ហ៊ានចូលប្រឡងយកអាហារូបករណ៍ និងប្រឡងប្រកួតប្រជែងផ្សេងៗ»។  

 

សល់ពេល១ខែទៀតនឹងដល់ពេលដែលកូនទាំងពីរ និងសិស្ស៦០នាក់ទៀត នឹងបន្តក្រកួតក្នុងកម្មវិធីសិស្សឆ្នើមផ្នែកគណិតវិទ្យាអូឡាំព្យាដអាស៊ី-សិង្ហបុរីឆ្នាំ២០២១។ អ្នកស្រី លីម សុចិន្តា នឹងបន្តលើកទឹកចិត្ត និងជំរុញកូនឲ្យខិតខំរៀនជាបន្តទៀត។ «ទោះបីជាពួកគាត់ជាប់ ឬមិនជាប់ក៏ដោយ ក៏ទុកជាបទពិសោធសម្រាប់ពួកគាត់នៅថ្ងៃក្រោយទៀត»។ នេះជាការរៀបរាប់របស់ អ្នកស្រី សុចិន្តា៕