នាជំនួបនៅកីឡដ្ឋាន Saint Petersburg របស់រុស្ស៊ី ស៊ុយអែតបាននាំមុខ១គ្រាប់នៅនាទី១៨ ដែលជាគ្រាប់បាល់ចូលទីខ្លួនឯងរបស់អ្នកចាំទីប៉ូឡូញ Wojciech Szczesny ហើយនៅដើមតង់ទីពីរ ខ្សែបម្រើ Karol Linetty រកបានគ្រាប់បាល់តាមស្មើវិញ។ 

 

គ្រាប់បាល់ជ័យជម្នះរបស់ស្លូវ៉ាគី សម្រេចបាននៅនាទី៦៩ ដោយខ្សែការពារ Milan Skriniar នារយៈ៧នាទី ក្រោយខ្សែបម្រើប៉ូឡូញ Grzegorz Krychowiak ទទួលបានកាតលឿងជាលើកទី២។

 

ស្លូវ៉ាគី ឡើងឈរលេខ១ពូល E ជាបណ្តោះអាសន្ន ដោយសារតែជំនួបបន្ទាប់រវាងអេស្ប៉ាញ និងស៊ុយអែត នៅកីឡដ្ឋាន Estadio de La Cartuja បញ្ចប់ក្នុងលទ្ធផលស្មើគ្នា ០-០។

 

រីឯការប្រកួតកាលពីក្បាលព្រលប់នៅក្នុងពូល D សាធារណរដ្ឋឆែកឡើងឈរលេខ១បណ្តោះអាសន្ន ក្រោយយកឈ្នះម្ចាស់ផ្ទះស្កុតឡេន ២-០ ហើយអង់គ្លេសដែលឈ្នះក្រូអាស៊ី ១-០ ស្ថិតនៅលេខ២៕