នគរបាលជាតិ អះអាងថា ក្នុងដំណើរទស្សនកិច្ចនេះ លោក Dominic Raab គ្រោងជួបសម្តេចនាយករដ្ឋមន្រ្តី ហ៊ុន សែន និង លោក ប្រាក់ សុខុន រដ្ឋមន្រ្តីក្រសួងការបទេសកម្ពុជា។ ចំពោះជំនួបរវាងសម្តេច ហ៊ុន សែន និង លោក Dominic Raab ត្រូវលុបចោល។ សម្តេច ហ៊ុន ប្រកាសលើទំព័រហ្វេសប៊ុក នៅល្ងាចថ្ងៃទី១៩ ខែមិថុនានេះថា សម្តេច ពាក់ព័ន្ធដោយប្រយោលជាមួយអ្នកជំងឺកូវីដ-១៩ ដូច្នេះ សម្តេច ត្រូវធ្វើតេស្តនិងធ្វើចត្តាឡីស័ក១៤ថ្ងៃ ចាប់ពីថ្ងៃទី១៣ រហូតដល់ថ្ងៃទី២៧ ខែមិថុនា ឆ្នាំ២០២១។

មិនមែនតែជំនួបជាមួយលោក Dominic Raab ទេ គឺជំនួបទាំងអស់ មិនថាជំនួបផ្ទាល់ ឬជំនួបតាមប្រព័ន្ធវីដេអូ ត្រូវប្រមុខរដ្ឋាភិបាលកម្ពុជា ប្រកាលលុបចោល។ ប្រមុខរដ្ឋាភិបាលកមម្ពុជា សុំការយោគយល់ពីលោក Dominic Raab។ រដ្ឋមន្ត្រីការបរទេសអង់គ្លេស មានគម្រោងដើរទស្សនកិច្ចនៅសារមន្ទីរប្រល័យពូជសាសន៍ទួលស្លែង និងមជ្ឈមណ្ឌលឯកសារកម្ពុជាផងដែរ មុននឹងលោក ចាកចេញពីកម្ពុជា។ 
 

នៅថ្ងៃទី១៨ ខែមិថុនាម្សិលមិញ អគ្គស្នងការរងពីររូបនៃអគ្គស្នងការដ្ឋាននគរបាលជាតិ គឺ នាយឧត្តមសេនីយ៍ ឆៃ ស៊ីណារិទ្ធ និង ឧត្តមសេនីយ៍ឯក យឹម លាង បានបើកប្រជុំពិភាក្សាផែនការការពារសន្តិសុខ សម្រាប់ដំណើររទស្សនកិច្ចរបស់រដ្ឋមន្ត្រីការបរទេសអង់គ្លេស។ តំណាងស្ថានទូតអង់គ្លេសប្រចាំកម្ពុជា ក៏ចូលរួមកិច្ចប្រជុំនេះដែរ។ 
 

នគរបាលជាតិ បានស្រង់សម្តីរបស់លោក ឆៃ ស៊ីណារិទ្ធ ក្នុងកិច្ចប្រជុំថា៖«ព្រះរាជាណាចក្រកម្ពុជា តែងបានគិតគូរការពារយ៉ាងម៉ត់ចត់ចំពោះដំណើរទស្សនកិច្ចរបស់គណៈប្រតិភូនានា ត្បិតកម្ពុជាមិនបានរងនូវការគំរាមកំហែងធ្ងន់ធ្ងរណាមួយក៏ដោយ»៕