គេប្រើពាក្យ«វិត្ថារកម្ម»ក្នុងន័យសេដ្ឋកិច្ចសម្រាប់សំដៅលើ ការបង្កើន ឬការកើនឡើងនៃកម្រិតចំណាយដើម្បីបង្កើនសកម្មភាពសេដ្ឋកិច្ច ទំនិញ និងសេវាកម្មនៅក្នុងទីផ្សារ។

 

ជាទូទៅវិត្ថារកម្មសេដ្ឋកិច្ច កើតឡើងនៅខណៈពេលដែលមានការប្រែប្រួលនូវចង្វាក់ផលិតកម្ម និងការប្រើប្រាស់ធនធានសម្រាប់ជំរុញឲ្យសេដ្ឋកិច្ចងើបឡើងវិញ និងមានការរីកចម្រើន។ វិត្ថារកម្មសេដ្ឋកិច្ចអាចកើតឡើងដោយសារកត្តាខាងក្នុងដូចជា គោលនយោបាយសារពើពន្ធ គោលនយោបាយរូបិយវត្ថុ។ល។ ហើយកត្តាខាងក្រៅដូចជា ការប្រែប្រួលអាកាសធាតុ បច្ចេកវិទ្យា។ល។

 

ឧទាហរណ៍៖ កម្ពុជាធ្វើវិត្ថារកម្មសេដ្ឋកិច្ចរបស់ខ្លួន ដោយបង្កើនចំណាយថវិកាជាតិលើវិស័យកសិកម្ម និងធារាសាស្រ្ត សម្រាប់ពង្រីកផលិតផលកសិកម្ម និងមូលដ្ឋានកំណើនសេដ្ឋកិច្ច៕