ជាតិ
សម្តេច ហ៊ុន សែន៖ បក្សនយោបាយអាស៊ាន-រុស្ស៊ី ត្រូវបន្តរួមគ្នាទាត់ចោលស្មារតីសង្គ្រាមត្រជាក់
សម្តេចចូលរួមកិច្ចពិភាក្សាបក្សនយោបាយរុស្ស៊ី-អាស៊ាន នៅចំថ្ងៃទី១០នៃការធ្វើចត្តាឡីស័ក ក្រោយសម្តេចអះអាងថា បានប៉ះពាល់ដោយប្រយោលអ្នកកើតកូវីដ-១៩
×![]()
ដោយ: រួបរួម
ការប្រកួតប្រជែងរវាងប្រទេសមហាអំណាចធំៗ បានធ្វើឲ្យស្ថានភាពកាន់តែស្មុគស្មាញ ខណៈដែលស្មារតីល្បែងផលបូកសូន្យនៃសង្គ្រាមត្រជាក់ថ្មី កំពុងលេចឡើង ហើយសណ្តាប់ធ្នាប់ពិភពលោកកំពុងត្រូវបានបែងចែក។ នេះជាការលើកឡើងរបស់សម្តេចនាយករដ្ឋមន្ត្រី ហ៊ុន សែន នាកិច្ចពិភាក្សាតុមូលតាមប្រព័ន្ធអនឡាញ ជាមួយថ្នាក់ដឹកនាំគណបក្សនយោបាយនៃបណ្តាប្រទេសអាស៊ាន-រុស្ស៊ី រសៀលថ្ងៃទី២៩ ខែមិថុនា នេះ។ 
សម្តេច ហ៊ុន សែន បានគូសបញ្ជាក់ថា ទំនាក់ទំនងរវាងរដ្ឋ និងរដ្ឋកំពុងត្រូវបានកំណត់ដោយការបែងចែកភូមិសាស្ត្រនយោបាយ។ ភាពមិនពិតប្រាកដប្រជានៃខ្សែបន្ទាត់ភូមិសាស្ត្រនយោបាយនេះ បានជំរុញឲ្យមានការដាក់គំនាបលើខ្លួនឯង និងសិទ្ធិក្នុងការជ្រើសរើសផ្លូវឆ្ពោះទៅកាន់ការអភិវឌ្ឍ។
ករណីនេះ សម្តេចនាយករដ្ឋមន្ត្រី បានលើកឡើងពីសារសំខាន់នៃកិច្ចពិភាក្សារវាងបណ្តាមេដឹកនាំបក្សនយោបាយរុស្ស៊ី-អាស៊ាន តាមរយៈការបញ្ជ្រាបតួនាទីយ៉ាងសំខាន់របស់គណបក្សនយោបាយក្នុងការថែរក្សាសណ្តាប់ធ្នាប់ពិភពលោក ជៀសវាងការបែកបាក់គ្នា ដោយទាត់ចោលនូវស្មារតីសង្គ្រាមត្រជាក់។
នាអំឡុងនៃការធ្វើចត្តាឡីស័កថ្ងៃទី១០ ប្រធានគណបក្សប្រជាជនកម្ពុជា បានចែករំលែកវិធីដែលគណបក្សនយោបាយរុស្ស៊ី-អាស៊ាន ត្រូវរួមគ្នាដោះស្រាយ។ ចំណុចទាំងនោះមានដូចជា ការផ្តោតលើកិច្ចការចំពោះមុខលើការយុទ្ធនាការប្រឆាំងកូវីដ-១៩ ដោយជៀសវាងផលរំខានផ្នែកនយោបាយ ការជំរុញការងារវិនិយោគ ការពង្រឹងយុទ្ធសាស្ត្រក្នុងក្របខណ្ឌស្តារឡើងវិញ ក្រោយវិបត្តិកូវីដ-១៩ ពង្រឹងការយោគយល់គ្នាទៅវិញទៅមកដោយបើកចំហរ កិច្ចសហប្រតិបត្តិការជាក់ស្តែងលើបញ្ហានានាក្នុងនោះមានសន្តិសុខអ៊ីនធ័រណិត បម្រែបម្រួលអាកាសធាតុ រួមទាំងទំនាក់ទំនងវប្បធម៌ផងដែរ។
កិច្ចពិភាក្សានេះ ធ្វើឡើងក្រោមប្រធានបទ តួនាទីនៃកម្លាំងគណបក្សរុស្ស៊ី និងអាស៊ានប្រកបដោយការទទួលខុសត្រូវក្នុងការពង្រឹងស្ថាបន្យកម្ម សន្តិសុខ និងកិច្ចសហប្រតិបត្តិការនៅក្នុងតំបន់អាស៊ីប៉ាស៊ីហ្វីក ក្នុងឱកាស ២៥ឆ្នាំដៃគូ។
នាកិច្ចប្រជុំនេះ លោក Dmitry Medvedev អតីតនាយករដ្ឋមន្ត្រីរុស្ស៊ី និងជាប្រធានគណបក្សរុស្ស៊ីរួបរួម បានបើកថ្លែងស្វាគមន៍ ដោយអះអាងពីការព្យាយាមពង្រឹងទំនាក់ទំនងសហប្រតិបត្តិការរវាងរុស្ស៊ី ជាមួយបណ្តាគណបក្សនយោបាយនៅតំបន់អាស៊ាន។
ក្រៅពីសម្តេចនាយករដ្ឋមន្ត្រី ប្រធានគណបក្សប្រជាជនកម្ពុជា ថ្នាក់ដឹកនាំផ្សេងទៀតដែលបានចូលរួមក្នុងកិច្ចពិភាក្សានេះដែរមាន លោក Thongloun Sisoulith ពីឡាវ, លោក Ahmad Zahid Hamidi ពីម៉ាឡេស៊ី, លោក Manny Pacquiao ពីហ្វីលីពីន រួមទាំងថ្នាក់ដឹកនាំវៀតណាមផងដែរ។
ក្នុងការថ្លែងរបស់ខ្លួន សម្តេច ហ៊ុន សែន ក៏បានស្វាគមន៍វត្តមានលោក Pacquiao ប្រធានគណបក្សប្រជាធិបតេយ្យហ្វីលីពីន ផងដែរ ដោយសម្តេចលើកឡើងថា លោក Pacquiao មិនត្រឹមតែជោគជ័យក្នុងអាជីពប្រដាល់ប៉ុណ្ណោះទេ ហើយក៏ជោគជ័យក្នុងនយោបាយថែមទៀត៕
សម្តេច ហ៊ុន សែន បានគូសបញ្ជាក់ថា ទំនាក់ទំនងរវាងរដ្ឋ និងរដ្ឋកំពុងត្រូវបានកំណត់ដោយការបែងចែកភូមិសាស្ត្រនយោបាយ។ ភាពមិនពិតប្រាកដប្រជានៃខ្សែបន្ទាត់ភូមិសាស្ត្រនយោបាយនេះ បានជំរុញឲ្យមានការដាក់គំនាបលើខ្លួនឯង និងសិទ្ធិក្នុងការជ្រើសរើសផ្លូវឆ្ពោះទៅកាន់ការអភិវឌ្ឍ។
ករណីនេះ សម្តេចនាយករដ្ឋមន្ត្រី បានលើកឡើងពីសារសំខាន់នៃកិច្ចពិភាក្សារវាងបណ្តាមេដឹកនាំបក្សនយោបាយរុស្ស៊ី-អាស៊ាន តាមរយៈការបញ្ជ្រាបតួនាទីយ៉ាងសំខាន់របស់គណបក្សនយោបាយក្នុងការថែរក្សាសណ្តាប់ធ្នាប់ពិភពលោក ជៀសវាងការបែកបាក់គ្នា ដោយទាត់ចោលនូវស្មារតីសង្គ្រាមត្រជាក់។
នាអំឡុងនៃការធ្វើចត្តាឡីស័កថ្ងៃទី១០ ប្រធានគណបក្សប្រជាជនកម្ពុជា បានចែករំលែកវិធីដែលគណបក្សនយោបាយរុស្ស៊ី-អាស៊ាន ត្រូវរួមគ្នាដោះស្រាយ។ ចំណុចទាំងនោះមានដូចជា ការផ្តោតលើកិច្ចការចំពោះមុខលើការយុទ្ធនាការប្រឆាំងកូវីដ-១៩ ដោយជៀសវាងផលរំខានផ្នែកនយោបាយ ការជំរុញការងារវិនិយោគ ការពង្រឹងយុទ្ធសាស្ត្រក្នុងក្របខណ្ឌស្តារឡើងវិញ ក្រោយវិបត្តិកូវីដ-១៩ ពង្រឹងការយោគយល់គ្នាទៅវិញទៅមកដោយបើកចំហរ កិច្ចសហប្រតិបត្តិការជាក់ស្តែងលើបញ្ហានានាក្នុងនោះមានសន្តិសុខអ៊ីនធ័រណិត បម្រែបម្រួលអាកាសធាតុ រួមទាំងទំនាក់ទំនងវប្បធម៌ផងដែរ។
កិច្ចពិភាក្សានេះ ធ្វើឡើងក្រោមប្រធានបទ តួនាទីនៃកម្លាំងគណបក្សរុស្ស៊ី និងអាស៊ានប្រកបដោយការទទួលខុសត្រូវក្នុងការពង្រឹងស្ថាបន្យកម្ម សន្តិសុខ និងកិច្ចសហប្រតិបត្តិការនៅក្នុងតំបន់អាស៊ីប៉ាស៊ីហ្វីក ក្នុងឱកាស ២៥ឆ្នាំដៃគូ។
នាកិច្ចប្រជុំនេះ លោក Dmitry Medvedev អតីតនាយករដ្ឋមន្ត្រីរុស្ស៊ី និងជាប្រធានគណបក្សរុស្ស៊ីរួបរួម បានបើកថ្លែងស្វាគមន៍ ដោយអះអាងពីការព្យាយាមពង្រឹងទំនាក់ទំនងសហប្រតិបត្តិការរវាងរុស្ស៊ី ជាមួយបណ្តាគណបក្សនយោបាយនៅតំបន់អាស៊ាន។
ក្រៅពីសម្តេចនាយករដ្ឋមន្ត្រី ប្រធានគណបក្សប្រជាជនកម្ពុជា ថ្នាក់ដឹកនាំផ្សេងទៀតដែលបានចូលរួមក្នុងកិច្ចពិភាក្សានេះដែរមាន លោក Thongloun Sisoulith ពីឡាវ, លោក Ahmad Zahid Hamidi ពីម៉ាឡេស៊ី, លោក Manny Pacquiao ពីហ្វីលីពីន រួមទាំងថ្នាក់ដឹកនាំវៀតណាមផងដែរ។
ក្នុងការថ្លែងរបស់ខ្លួន សម្តេច ហ៊ុន សែន ក៏បានស្វាគមន៍វត្តមានលោក Pacquiao ប្រធានគណបក្សប្រជាធិបតេយ្យហ្វីលីពីន ផងដែរ ដោយសម្តេចលើកឡើងថា លោក Pacquiao មិនត្រឹមតែជោគជ័យក្នុងអាជីពប្រដាល់ប៉ុណ្ណោះទេ ហើយក៏ជោគជ័យក្នុងនយោបាយថែមទៀត៕
© រក្សាសិទ្ធិដោយ thmeythmey.com
