កីឡាអន្តរជាតិ
អន្តរជាតិ
Euro 2020៖ អង់គ្លេសឡើងទៅវគ្គ៨ក្រុម ក្រោយឈ្នះអាល្លឺម៉ង់ ២-០
× តោកំណាចអង់គ្លេស បានកៅអីទៅកាន់វគ្គ៨ក្រុមចុងក្រោយនៃពានរង្វាន់ Euro 2020 បន្ទាប់ពីពួកគេបានយកឈ្នះអាល្លឺម៉ង់ ២-០ នៅកីឡដ្ឋាន Wembley។
គ្រាប់បាល់ទាំងពីរគ្រាប់របស់អង់គ្លេស សម្រេចបានដោយ Raheem Sterling នៅនាទី៧៥ ក្រោយការបញ្ជូនរបស់ Luke Shaw និង Harry Kane នៅនាទី៨៦ ក្រោយការបញ្ជូនរបស់ Jack Grealish។
នេះជាគ្រាប់បាល់ទី៣របស់ Sterling ពីការប្រកួត៤លើកក្នុង Euro 2020 ខណៈ Kane ទើបរកបានគ្រាប់លើកដំបូង។ នេះជាជ័យជម្នះលើកដំបូងផងដែររបស់អង់គ្លេសលើអាល្លឺម៉ង់ក្នងការប្រកួតវគ្គខ្វែង បើគិតចាប់តាំងពីឆ្នាំ១៩៦៦មក។
កីឡាករឆ្នើមប្រចាំការប្រកួត Star of the Match បានទៅលើខ្សែការពារអង់គ្លេស Harry Maguire។
អង់គ្លេសឡើងទៅកាន់វគ្គ៨ក្រុមចុងក្រោយ ហើយរក្សា Cleansheet (មិនឲ្យគ្រាប់បាល់បញ្ចូលទីលើខ្លួន) បានទាំង៤ប្រកួត ខណៈអាល្លឺម៉ង់ សមាជិកចុងក្រោយនៃពូល F ដែលត្រូវបានចាត់ទុកជាពូលមរណៈ ត្រូវហាលអាវ បន្ទាប់ពីព័រទុយហ្គាល់ និងបារាំង៕ © រក្សាសិទ្ធិដោយ thmeythmey.com