ក្នុងចំណោមករណីថ្មីទាំង ១៥៧នាក់នោះ មាន ២៨នាក់ករណីនាំចូលពីប្រទេសថៃ។ របាយការណ៍អ្នកវិជ្ជមានកូវីដ-១៩ ប្រចាំថ្ងៃរបស់រដ្ឋបាលខេត្តសៀមរាប ក៏បានឱ្យដឹងដែរថាមាន ៤ករណីឆ្លង មានប្រភពនៅមណ្ឌលស្តារនីតិសម្បទារអ្នកញៀនគ្រឿងញៀន។ 

​

ក្នុងចំណោមករណីឆ្លងថ្មី ភាគច្រើនមានប្រភពចេញពីផ្សារលើធំថ្មី ផ្សារកំពង់ក្តី ផ្សារដំដែក និងនៅក្នុងសង្កាត់ស្រង៉ែ នៃក្រុងសៀមរាប។ អ្នកវិជ្ជមានទាំងនោះ ភាគច្រើនជាពលរដ្ឋដែលមានអាសយដ្ឋានៅនៅក្រុងសៀមរាប និងស្រុកជីក្រែង។ ក្រៅពីនេះមានអ្នកស្រុកប្រាសាទបាគង សូទ្រនិគម ស្រីស្នំ ក្រឡាញ់ ពួក និងស្រុកអង្គរជុំ។ អ្នកជំងឺមួយចំនួនទៀត ជាអ្នកខេត្តព្រះវិហារ និងកំពង់ធំ។ 

 

ជាមួយគ្នារដ្ឋបាលខេត្តសៀមរាប បានសម្រេចបន្តបិទការចេញ-ចូលទីតាំងផ្ទះចំនួន ២៧ខ្នងផ្ទះ ក្នុងភូមិព្រៃធំ ​និងភូមិចន្លោង ​ក្នុងសង្កាត់ស្រង៉ ក្រុងសៀមរាប សម្រាប់រយៈពេល ២ ​ សប្តាហ៍ទៀត  គិតចាប់ពីថ្ងៃទី​៧ ដល់ថ្ងៃទី២០ ខែកក្កដា។ 

 

បច្ចុប្បន្ន ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន១ ៩៧១នាក់ ក្នុងនោះមាន៦៨៦នាក់ បាន​ជាសះស្បើយ ១៩នាក់ស្លាប់  និង១២៦៦នាក់ កំពុងសម្រាកព្យាបាល។

 

មនុស្ស ១២៥នាក់ ទៀតវិជ្ជមានកូវីដ-១៩ ក្នុងនោះភាគច្រើនជាអ្នករស់នៅក្រុងប៉ោយប៉ែត និងក្រុងសិរីសោភ័ណ។ ក្រៅពីនេះ មាននៅស្រុកមង្គលបូរី អូរជ្រៅ និងស្រុកម៉ាឡៃ។

ឧត្តរមានជ័យ៖ រកឃើញ ៩៦នាក់ទៀត ភាគច្រើននាំចូលពីថៃ

 

ឧត្តរមានជ័យ បន្តរកឃើញអ្នកឆ្លងកូវីដ-១៩ ចំនួន៩៦នាក់ទៀត ក្នុងនោះ ៩០នាក់ជាករណីនាំចូលពីថៃ។ អ្នកជាសះស្បើយក៏មាន ៣៦នាក់បន្ថែមដែរ។ ក្នុងចំណោមអ្នកវិជ្ជមានដែលទើបរកឃើញ គឺមានអ្នករស់នៅឧត្តរមានជ័យ , កំពង់ឆ្នាំង ពោធិ៍សាត់ បាត់ដំបង បន្ទាយមានជ័យ កំពង់ធំ សៀមរាប ត្បូងឃ្មុំ កំពង់ចាម ព្រៃវែង កំពត តាកែវ និងខេត្តព្រះវិហារ។ គិតត្រឹមថ្ងៃទី៧ ​កក្កដា ខេត្តឧត្តរមានជ័យ រកឃើញជំងឺកូវីដ១៩ ចំនួន ១,១៩២ករណី ក្នុងនោះ១,០៦៣នាក់ ជាករណីនាំចូល។ អ្នកជាសះស្បើយចំនួន ២៣៧នាក់ ស្លាប់៣នាក់ និង៩៥០នាក់ កំពុងសម្រាកព្យាបាល។

 

 

ពលរដ្ឋ ៩៣នាក់ទៀតវិជ្ជមានកូវីដ-១៩ ខណៈអ្នកជាសះស្បើយមានចំនួន ៨៤នាក់ បន្ថែមទៀត។ ក្នុងចំណោមអ្នកឆ្លងថ្មីនោះ មាន៧៧នាក់ ជាអ្នករស់នៅឃុំប៉ាកខ្លង និងឃុំទួលគគីរ ស្រុកមណ្ឌលសីមា និង៧នាក់នៅសង្កាត់ដងទង់ សង្កាត់ស្មាច់មានជ័យ និងសង្កាត់ឃុនឆាង​ ក្រុងខេមរភូមិន្ទ ។ អ្នកជំងឺ៥នាក់ទៀតរស់នៅឃុំកោះស្តេច ស្រុកគិរីសាគរ , ៣នាក់ជាពលរដ្ឋនៅឃុំបឹងព្រាវ និងឃុំស្រែអំបិល ស្រុកស្រែអំបិល  និង១នាក់ទៀតនៅឃុំថ្មស ស្រុកបូទុមសាគរ។ 

 

 

ខេត្តបាត់ដំបង មានករណីឆ្លងថ្មីចំនួន ៥៤នាក់នាក់ទៀត ក្នុងនោះ ១៣នាក់លើពលករខ្មែរ ដែលត្រឡប់មកពីប្រទេសថៃ។ ទន្ទឹមនឹងនេះ រដ្ឋបាលខេត្ត ក៏​បញ្ជាក់ពីករណី ជាសះស្បើ៨នាក់ផងដែរ។ ក្នុងចំណោមអ្នកវិជ្ជមានដែលទើបរកឃើញនោះ ភាគច្រើនជាអ្នករស់នៅក្រុងបាត់ដំបង នៅស្រុកសង្កែ និងស្រុកមោងឫស្សី។ ក្រៅពីនេះមានពលរដ្ឋនៅស្រុកបវេល គាស់ក្រឡ សំឡូត សំពៅលូន រតនមណ្ឌល និងស្រុកបាណន់។  អ្នកជំងឺ​ចំនួន៣នាក់ទៀត ជាអ្នកស្រុកម៉ាឡៃ ខេត្តបន្ទាយមានជ័យ។ បច្ចុប្បន្ន ខេត្តបាត់ដំបង មានអ្នកឆ្លងកូវីដ-១៩ សរុប ១ ៣៤០នាក់ ក្នុងនោះ៦៤៣នាក់ បានជាសះស្បើយ ៩នាក់ស្លាប់ និងអ្នកកំពុងសម្រាកព្យាបាលមានចំនួន ៦៨៨នាក់។

 

មនុស្ស ៥៣នាក់ ទៀតមានវិជ្ជមានកូវីដ-១៩ ជាសះស្បើយ ៧៦នាក់  និងមានអ្នកស្លាប់២នាក់ទៀត។ ក្នុងចំណោមអ្នកឆ្លងថ្មី គឺជាពលរដ្ឋ រស់នៅស្រុកកំពង់សៀម ​ចំការលើ ​ជើងព្រៃ ​បាធាយ ​ស្ទឹងត្រង់ ​កងមាស ​ស្រីសន្ធរ ​និងស្រុកព្រៃឈរ។ អ្នកជំងឺ២នាក់ជាអ្នកកំពង់ធំ និង១នាក់​ មកពីខេត្តត្បូងឃ្មុំ។ រដ្ឋបាលខេត្តកំពង់ចាម ក៏​ប្រកាសពីករណីស្លាប់ដោយសារជំងឺកូវីដ១៩ ចំនួន២នាក់បន្ថែមទៀត​ដែរ ដោយម្នាក់ជាស្ត្រីវ័យ ៧៦ឆ្នាំ រស់នៅប៉ែន ឃុំទ្រាន ស្រុកកំពង់សៀម។ មួយករណីទៀត ជាបុរសវ័យ ៤៤ឆ្នាំ រស់នៅភូមិក្រសាំងពុល ឃុំមៀន ស្រុកព្រៃឈរ។ បច្ចុប្បន្នមានអ្នកជំងឺចំនួន ១ ៧៨៣នាក់ហើយត្រូវបានព្យាបាលជាសះស្បើយ ខណៈអ្នកកំពុងព្យាបាលមានចំនួន ៦៨៥នាក់។
 

មនុស្ស ៣៦នាក់ទៀតបានឆ្លងកូវីដ-១៩ ខណៈ២៤នាក់បន្ថែមបានជាសះស្បើយ។ ក្នុងចំណោមអ្នកវិជ្ជមានទាំងនោះ ភាគច្រើនជាពលរដ្ឋរស់នៅស្រុកសន្ទុក និងស្រុកស្ទោង។​ក្រៅពីនេះ មានករណីនៅក្រុងស្ទឹងសែន ស្រុកកំពង់ស្វាយ ស្រុកបារាយណ៍ ស្រុកតាំងគោក និងស្រុកប្រាសាទបាល្ល័ង។ បច្ចុប្បន្ន ខេត្តកំពង់ធំ មានអ្នកវិជ្ជមានកូវីដ-១៩ ចំនួន ១១២៤នាក់ ក្នុងនោះ៥៦៨នាក់ បានជាសះស្បើយ ១៣នាក់ស្លាប់ និងអ្នកកំពុងសម្រាកព្យាបាលមានចំនួន ៥៤៣នាក់។

 

 

អ្នកជំងឺចំនួន ៨៤នាក់ទៀត បានជាសះស្បើយ ខណៈអ្នកឆ្លងថ្មី ចំនួន ៣២នាក់បន្ថែម។ ក្នុងចំណោមករណីថ្មីទាំងនោះ គឺជាពលរដ្ឋរស់នៅក្រុងសួង ស្រុកអូររាំងឪ, តំបែរ, ពញាក្រែក, ត្បូងឃ្មុំ និងស្រុកក្រូចឆ្មារ។

 

មនុស្សចំនួន ៩៥៤ នាក់ទៀត តេស្តវិជ្ជមានកូវីដ-១៩​ ក្នុងនោះ ១៣៦ នាក់ ជាករណីនាំចូល។ អ្នកជាសះស្បើយ មាន ១ ០៤៦នាក់បន្ថែម ខណៈ២៧នាក់ទៀត បានស្លាប់ដោយសារកូវីដ-១៩។ នេះបើតាមសេចក្តីប្រកាសព័ត៌មាន របស់ក្រសួងសុខាភិបាល នៅថ្ងៃទី៨ ខែកក្កដានេះ។ មកទល់ពេលនេះ កម្ពុជាមានអ្នកឆ្លងកូវីដ-១៩ សរុប ៥៨ ០៥៧នាក់ ក្នុងនោះ ៣ ៨៩៦នាក់ករណីនាំចូល។ អ្នកជាសះស្បើយមាន ​៥០ ០២០ នាក់ និងស្លាប់សរុប ៨២៥នាក់៕