កីឡាអន្តរជាតិ
អន្តរជាតិ
អ៊ីតាលីឈ្នះពាន Euro លើកទី២ក្នុងរយៈពេល៥៣ឆ្នាំ
× អ៊ីតាលី បានក្លាយជាម្ចាស់ជើងឯក Euro 2020 បន្ទាប់ពីបានយកឈ្នះអង់គ្លេស ដោយបាល់ប៉េណាល់ទី ៣-២ ខណៈលទ្ធផល១២០នាទីស្មើ ១-១ នាជំនួបវគ្គផ្តាច់ព្រ័ត្រនៅកីឡដ្ឋាន Wembley។
Kieran Trippier ដែលស្ថិតនៅស្លាបស្តាំ បានបោះកាត់ទៅស្លាបឆ្វេងនាំឲ្យ Luke Shaw ស៊ុតបាល់បញ្ចូល ទីនាំមុខ ភ្លាមៗ នៅដើមតង់។ គ្រាប់បាល់បញ្ចូលទីរបស់ Luke Shaw នៅនាទី១:៥៧ គឺជាគ្រាប់បាល់ បញ្ចូល ទីលឿន ជាងគេក្នុងព្រឹត្តិការណ៍អឺរ៉ុប ហើយក៏ដំបូងបំផុតសម្រាប់ក្រុមជម្រើសជាតិអង់គ្លេសផងដែរ។
នៅនាទី៦៧ Marco Varratti បានតែតបាល់ទៅប៉ះរបាទី តែបានផ្លាតទៅធ្លាក់មុខជើងរបស់ Leonardo Bonucci ហើយខ្សែការពាររូបនេះ ទាត់បញ្ចូលទីតាមស្មើ ១-១។
ការប្រកួតឈានដល់ការបន្ថែមម៉ោង១៥នាទីពីរដង ប៉ុន្តែមិនមានការក្រុមណាស៊ុតបាល់បញ្ចូលទីនោះឡើយ រហូតដល់លោកអាជ្ញាកណ្តាលហូឡង់ Bjorn Kuipers ត្រូវកាត់ក្តីបាល់ប៉េណាល់ទី ដោយអ៊ីតាលីឈ្នះ ៣-២។
គ្រាប់បាល់បញ្ចូលទី៣គ្រាប់របស់អ៊ីតាលី សម្រេចបានដោយ Bomenico Beradi, Leonardo Bonocci និង Ferico Bernardeschi ខណៈអ្នកចាំទីអង់គ្លេស Jordan Pickford សង្គ្រោះបានពីការទាត់របស់ ំAndrea Belotti និង Jorginho។ រីឯអង់គ្លេសរកបានតែ២គ្រាប់ប៉ុណ្ណោះ ដែលសម្រេចបានដោយ Harry Kane និង Harry Maguire ខណៈការស៊ុតរបស់ Marcus Rashford, Jadon Sancho និង Bukayo Saka មិនបានសម្រេច។
អ៊ីតាលី បានឈ្នះពាន Euro ជាលើកទី២ក្នុងរយៈពេល៥៣ឆ្នាំ ខណៈអង់គ្លេសរងនូវការខកចិត្ត ដោយបន្តកំណត់ត្រាមិនឈ្នះពានអ្វីទាល់តែសោះ បើគិតចាប់តាំងពី World Cup ឆ្នាំ១៩៦៦៕
© រក្សាសិទ្ធិដោយ thmeythmey.com