ខណៈ​ប្រទេសវៀតណាមកំពុងមានការរាតត្បាតខ្លាំងដោយជំងឺកូវីដ-១៩ រដ្ឋាភិបាលកម្ពុជា ក៏បានសម្រេចផ្តល់នូវសម្ភារបរិក្ខារពេទ្យ ដើម្បីទប់ស្កាត់នឹងការឆ្លងរាលនៃជំងឺនេះ។ សម្ភារបរិក្ខារពេទ្យដែលកម្ពុជាផ្តល់ឱ្យវៀតណាមនោះ មានម៉ាសធម្មតា១លានបន្ទះ, ម៉ាសN95 ចំនួន១០ម៉ឺនបន្ទះ, ម៉ាស៊ីនផលិតអុកស៊ីសែន១០០គ្រឿង  រួមជាមួយនឹងថវិកាសរុប៣៥ម៉ឺនដុល្លារផងដែរ។ 

 

សូមជម្រាបថា ទីក្រុងធំរបស់ប្រទេសវៀតណាម ដូចជាទីក្រុងហូជីមិញ និងទីក្រុងហាណូយ កំពុងមានវាយលុកខ្លាំងដោយជំងឺកូវីដ-១៩។ កាលពីថ្ងៃទី១៨កក្កដា  ប្រទេសវៀតណាមប្រកាសរកឃើញអ្នកឆ្លងកូវីដ-១៩ នៅក្នុងស្រុករហូតជិត៦ពាន់នាក់។ ចំនួននេះ បានធ្វើឱ្យវៀតណាមកើននូវករណីឆ្លងកូវីដ-១៩ សរុបជាង៥ម៉ឺននាក់ ដោយក្នុងនោះ មាន២៥៤នាក់ បានស្លាប់ដោយសារជំងឺនេះ៕