គ្រឿងញៀនដែលដុតនោះមាន មេតាហ្វេតាមីន៦២៦គីឡូក្រាម, ហេរ៉ូអ៊ីន២៩១គីឡូក្រាម, កេតាមីន៤១គីឡូក្រាម រួមទាំងគ្រឿងញៀននិងសារធាតុគីមីផ្សេងទៀតសរុប៧៦០០គីឡូក្រាម។ នេះបើតាមរបាយការណ៍របស់អាជ្ញាធរជាតិប្រយុទ្ធប្រឆាំងគ្រឿងញៀន ។
 

ក្នុងពិធីដុតបំផ្លាញគ្រឿងញៀននេះ លោក ច្រឹង ខ្មៅ ព្រះរាជអាជ្ញាអមសាលាដំបូងរាជធានីភ្នំពេញ បានបញ្ជាក់ថា វត្ថុតាងគ្រឿងញៀនខាងលើ គឺអាជ្ញាធរបានប្រមូលពីខាងសាលាដំបូងរាជធានីភ្នំពេញ ខេត្តស្វាយរៀង ខេត្តកំពង់ឆ្នាំង, ខេត្តព្រៃវែង និងខេត្តតាកែវ។ 
 

សូមជម្រាបថា រយៈពេលពេញមួយឆ្នាំ២០២០កន្លងទៅ សមត្ថកិច្ចបានបង្ក្រាបបទល្មើសគ្រឿងញៀន បានជាង១ម៉ឺនករណី និងឃាត់ខ្លួនជនសង្ស័យជាង២ម៉ឺននាក់ រួមទាំងរឹបអូសគ្រឿងញៀនបានជាង៣តោន៕៕