ជាតិ
សង្គមជាតិ
អាល់កុលក្លែងក្លាយ ៣ម៉ឺនលីត្រនៅរាជធានីភ្នំពេញ ត្រូវបានអាជ្ញាធររឹបអូស រូបភាពពីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប)
×
ភ្នំពេញ៖ អាល់កុលដែលមានសារធាតុមេតាណុល និងអេតាណុលសរុប៣០,៩០០លីត្រ ត្រូវបានមន្ត្រីអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប.) ត្រួតពិនិត្យ និងរឹបអូសពីឃ្លាំងស្តុកទុកមួយកន្លែងនៅខណ្ឌដង្កោ រាជធានីភ្នំពេញ កាលពីថ្ងៃទី២៣ ខែកក្កដា ឆ្នាំ២០២១។
មុនឈានដល់ការរឹបអូសបានអាល់កុល៣ ម៉ឺនលីត្រនេះ កាលពីថ្ងៃទី២២ ខែកក្កដា មន្ត្រីក.ប.ប ក៏បានឃាត់ទុកនូវអាល់កុលក្លែងក្លាយចំនួន៣៣៦០លីត្រ ដែលដឹកជញ្ជូនតាមម៉ូតូកង់បី៤គ្រឿង និងរថយន្ត១គ្រឿង។ ក្រោយឃាត់បានហើយ ទើបមន្ត្រី ក.ប.ប.រកឃើញទីតាំង និងរៀបចំនីតិវិធីចុះឆែកឆេរទីតាំងស្តុកទុកមួយកន្លែង ដែលមានអាកុល១,០៣០កាន ស្មើ៣០,៩០០លីត្រ ស្ថិតក្នុងខណ្ឌដង្កោ រាជធានីភ្នំពេញ។
អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ(ក.ប.ប) បានរៀបរាប់ដូច្នេះថា៖«បន្ទាប់ពីបានធ្វើកំណត់ហេតុមន្រ្តីជំនាញបានបញ្ជូនមធ្យោបាយជាវត្ថុតាងទៅរក្សាទុកនៅអគ្គនាយកដ្ឋានជាបឋម ហើយបានកំណត់មុខសញ្ញាទីតាំងឃ្លាំងស្តុកទុក ចែកចាយ ដោយតាមឃ្លាំមើលជាប្រចាំ»។
បើតាមក.ប.ប. បច្ចុប្បន្នអាជ្ញាធរបានចុះបិទទីតាំងស្តុបទុកអាល់កុលនោះជាបណ្តោះអាសន្ន ដើម្បីរៀបចំនីតិវិធីដោះស្រាយតាមច្បាប់៕
© រក្សាសិទ្ធិដោយ thmeythmey.com