COVID-19
ជាតិ
កូវីដ-១៩៖ឆ្លងថ្មី៥៦០នាក់ ជាចំនួនតិចបំផុតនៅ១ខែចុងក្រោយនេះ និងស្លាប់២២នាក់ ក្រុមគ្រូពេទ្យធីតា កំពុងយកសំណាកពលរដ្ឋដែលជាករណីសង្ស័យវីរុសកូវីដ-១៩ ប្រភេទ (Delta)ថ្មី នៅយប់ថ្ងៃទី១ ខែសីហា។
× ក្រសួងសុខាភិបាល នៅថ្ងៃទី២ ខែសីហានេះ ប្រកាសថាបានមនុស្សចំនួន ៥៦០នាក់ទៀត បានឆ្លងជំងឺកូវីដ-១៩ ក្នុងនោះ ១៦៩ នាក់ជាករណីនាំចូល។ អ្នកជាសះស្បើយ មាន៧៦៣ នាក់បន្ថែម និងស្លាប់២២នាក់ទៀត។
ករណីឆ្លងថ្មី និងស្លាប់ បន្តកើនឡើង ស្របពេលដែលកម្ពុជា រកឃើញករណីវីរុសកូវីដ-១៩ បំប្លែងថ្មី B.1.617.2 (Delta) កាន់តែច្រើន។ លទ្ធផលវិភាគដោយវិទ្យាស្ថានប៉ាស្ទ័រកម្ពុជា នៅថ្ងៃទី៣១ ខែកក្កដា រកឃើញវីរុសកូវីដ-១៩ បំប្លែងថ្មី ដែលតា ចំនួន៤៣នាក់ ខណៈនៅថ្ងៃទី១ ខែសីហា រកឃើញ៦៦នាក់ទៀត ។ ក្នុងចំណោមករណីវីរុសកូវីដ-១៩ បំប្លែងថ្មី Delta ដែលទើបរកឃើញ ១០៩នេះ ភាគច្រើនបំផុតគឺជាពលករមកពីថៃ និងមាន៥នាក់ នៅរាជធានីភ្នំពេញ។
បច្ចុប្បនមកទល់ពេលនេះ កម្ពុជាមានអ្នកឆ្លងកូវីដ-១៩ សរុប៧៨៤៧១ នាក់ ក្នុងនោះ១០៩៧១នាក់ ជាករណីនាំចូល។ អ្នកជាសះស្បើយមាន៧១៥១៧ នាក់ និងស្លាប់សរុប១៤៤២នាក់។ កម្ពុជា ក៏បានរកឃើញករណីវីរុសកូវីដ-១៩ បំប្លែងថ្មី B.1.617.2 (Delta) មាន២២៣នាក់ដែរ គិតត្រឹមថ្ងៃទី២ សីហានេះ៕
© រក្សាសិទ្ធិដោយ thmeythmey.com