COVID-19
អន្តរជាតិ
អ្នកឆ្លងកូវីដ-១៩លើពិភពលោកឡើងដល់ជាង១៩៩លាននាក់ហើយ បុរសប្រេស៊ីលម្នាក់យំ ក្បែរផ្នូរសាច់ញាតិខ្លួនដែលបាន_បាត់បង់ជីវិតដោយកូវីដ-១៩។ រូបថត AFP
× គិតត្រឹមថ្ងៃទី២ ខែសីហា នេះ ករណីឆ្លងកូវីដ-១៩លើពិភពលោកឡើងដល់ជាង១៩៩លាន ក្នុងស្លាប់ជាង៤.២លាននាក់ និងសះស្បើយជាង១៧៩លាននាក់។
ក្នុងចំណោមអ្នកជំងឺជាង១៩៩លាននាក់ សហរដ្ឋអាមេរិក មានជាង៣៥.៧លាននាក់ ឥណ្ឌាជាង៣១.៦លាននាក់ ប្រេស៊ីលជិត២០លាននាក់ ខណៈរុស្ស៊ី និងបារាំង មានជាង៦លាននាក់រៀងៗខ្លួន។
ចក្រភពអង់គ្លេស និងតួកគី មានអ្នកឆ្លងជាង៥លាននាក់ ដែលប្រដេញតាមពីក្រោយដោយ អាហ្សង់ទីន កូឡុំប៊ី អេស្ប៉ាញ អ៊ីតាលី អ៊ីរ៉ង់ អាល្លឺម៉ង់ និងឥណ្ឌូណេស៊ី ដែលមានពីជាង៣លាន ទៅជិត៥លានករណី។
បណ្តាប្រទេសដែលមានជាង២លានករណី មាន ប៉ូឡូញ ម៉ិកស៊ិក អាហ្វ្រិកខាងត្បូង អ៊ុយក្រែន និងប៉េរូ ខណៈ ហូឡង់ ឆែក អ៊ីរ៉ាក់ ស៊ីលី ហ្វីលីពីន កាណាដា បង់ក្លាដែស ម៉ាឡេស៊ី បែលហ្ស៊ិក ស៊ុយអែត រូម៉ានី និងប៉ាគីស្ថាន សុទ្ធតែមានជាង១លានករណីរៀងៗខ្លួន។
ក្នុងចំណោមអ្នកស្លាប់ជាង៤.២លាននាក់ សហរដ្ឋអាមេរិក មានជិត៦៣ម៉ឺននាក់ ប្រេស៊ីលជាង៥៥ម៉ឺននាក់ ឥណ្ឌាជាង៤២ម៉ឺននាក់ ម៉ិកស៊ិកជាង២៤ម៉ឺននាក់ ប៉េរូជិត២០ម៉ឺននាក់ រុស្ស៊ីជិត១៦ម៉ឺននាក់ ចក្រភពអង់គ្លេស និងអ៊ីតាលី ជិត១៣ម៉ឺននាក់៕
© រក្សាសិទ្ធិដោយ thmeythmey.com