អន្តរជាតិ
រូបឯកសារ៖ ពលរដ្ឋអាហ្វហ្គានីស្ថាននាំគ្នារង់ចាំឆ្លងព្រំដែន បន្ទាប់ពីប៉ាគីស្ថានប្រកាសបើកព្រំដែនរបស់ខ្លួនជាមួយនឹងអាហ្វហ្គានីស្ថាន ដែលបានបិទដោយសារការឆ្លងរាតត្បាតជំងឺកូវីដ១៩ ថ្ងៃទី៦ ខែមេសា ឆ្នាំ២០២០។
×![]()
ដោយ: VOA
សហរដ្ឋអាមេរិកបានប្រាប់ឲ្យដឹងកាលពីថ្ងៃច័ន្ទថា ខ្លួននឹងទទួលយកជនភៀសខ្លួនអាហ្វហ្គានីស្ថានរាប់ពាន់នាក់ទៀត ដោយព្រួយបារម្ភពីសុវត្ថិភាពរបស់ពលរដ្ឋដែលពាក់ព័ន្ធនឹងសហរដ្ឋអាមេរិក ស្របពេលដែលអាមេរិកបញ្ចប់សង្គ្រាមដ៏វែងបំផុតរបស់ខ្លួន។ នេះបើតាមសេចក្តីរាយការណ៍របស់ទីភ្នាក់ងារព័ត៌មាន AFP។
ក្រសួងការបរទេសសហរដ្ឋអាមេរិកបានបញ្ជាក់ថា ខ្លួននឹងពង្រីកការអនុញ្ញាតទទួលយកជនភៀសខ្លួនលើសពីជនជាតិអាហ្វហ្គានីស្ថានប្រមាណ២ម៉ឺននាក់ ដែលបានដាក់ពាក្យរួចហើយ ដោយមានអ្នកខ្លះកំពុងត្រួវបានគេជម្លៀសចេញពីប្រទេស ក្រោមកម្មវិធីសម្រាប់អ្នកបកប្រែដែលជួយដល់កងទ័ពអាមេរិក។
ក្រសួងការបរទេសបានថ្លែងនៅក្នុងសេចក្ដីថ្លែងការណ៍ថា៖ «នៅក្នុងការកើនឡើងនៃអំពើហិង្សាពីសំណាក់ក្រុមតាលីបង់ រដ្ឋាភិបាលសហរដ្ឋអាមេរិកកំពុងធ្វើការដើម្បីផ្ដល់ឲ្យពលរដ្ឋអាហ្វហ្គានីស្ថានមួយចំនួន រួមទាំងអ្នកដែលបានធ្វើការឲ្យរដ្ឋាភិបាលសហរដ្ឋអាមេរិកនូវឱកាសដើម្បីមករស់នៅសហរដ្ឋអាមេរិកក្នុងឋានៈជាជនភៀសខ្លួន។
សេចក្ដីថ្លែងការណ៍នេះបានឲ្យដឹងទៀតថា៖ «ការកំណត់នេះដើម្បីពង្រីកឱកាសក្នុងការតាំងទីលំនៅថ្មីជាអចិន្ត្រៃយ៍នៅសហរដ្ឋអាមេរិកដល់ប្រជាពលរដ្ឋអាហ្វហ្គានីស្ថានរាប់ពាន់នាក់និងសមាជិកគ្រួសាររបស់ពួកគេដែលអាចប្រឈមនឹងហានិភ័យដោយសារការពាក់ព័ន្ធជាមួយរដ្ឋាភិបាលសហរដ្ឋអាមេរិក។
ក្រសួងការបរទេសបានបញ្ជាក់ទៀតថា ការពង្រីកសិទ្ធិទទួលបានការជ្រកកោននេះនឹងរួមបញ្ចូលជនជាតិអាហ្វហ្គានីស្ថានដែលបានធ្វើការជាមួយអង្គការសារព័ត៌មាន ឬអង្គការក្រៅរដ្ឋាភិបាលដែលមានមូលដ្ឋាននៅសហរដ្ឋអាមេរិក ឬគម្រោងដែលគាំទ្រដោយមូលនិធិអាមេរិក។
ក្រសួងការបរទេសក៏នឹងអនុញ្ញាតឲ្យជនជាតិអាហ្វហ្គានីស្ថានជាច្រើនទៀតដែលបានបម្រើការជាអ្នកបកប្រែ ឬនៅក្នុងតួនាទីគាំទ្រផ្សេងទៀតដល់កងកម្លាំងនៃក្រុមកងទ័ពចម្រុះដឹកនាំដោយសហរដ្ឋអាមេរិក ប៉ុន្តែមិនបានបំពេញតាមតម្រូវការក្នុងអំឡុងពេលធ្វើការ។
លោកប្រធានាធិបតី Joe Biden បានបញ្ជាឲ្យដកកងទ័ពអាមេរិក ដែលនៅសល់ឲ្យអស់ត្រឹមចុងខែនេះដើម្បីបញ្ចប់សង្គ្រាមដ៏យូរបំផុតក្នុងប្រវត្តិសាស្ត្រអាមេរិក។
ដោយក្រុមតាលីបង់បន្តវាយលុករដ្ឋបាលរបស់លោកBiden ទទួលស្គាល់ពីការភ័យខ្លាចចំពោះស្ថិរភាពរបស់រដ្ឋាភិបាលដែលគាំទ្រដោយអន្តរជាតិ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
