ទីក្រុងប៉េកាំង ត្រូវបានប្រកាសនៅឆ្នាំ ២០១៥ ដើម្បីក្លាយជាម្ចាស់ផ្ទះកីឡាអូឡាំពិកឆ្នាំ២០២០ និងជាទីក្រុងដំបូងគេដែលបានសិទ្ធិរៀបទាំងកីឡាអូឡាំពិករដូវក្តៅ និងរដូវរងាផង។
 

បើតាមនាយកគ្រប់គ្រង IOC លោក Christophe Dubi ដែលបានប្រាប់ទីភា្នក់ងារព័ត៌មាន Reuters ចិនបានបញ្ជាក់យ៉ាងច្បាស់កាលពីឆ្នាំ ២០១៥ ថា ពួកគេនឹងគោរពធម្មនុញ្ញអូឡាំពិក។ គោរពច្បាប់អូឡាំពិក មានន័យថាចិននឹងមិនរារាំងហុងកុង និងតៃវ៉ាន់ ដែលមានបញ្ហានយោបាយនឹងគ្នាចូលរួមកីឡារដូវរងាឆ្នាំក្រោយឡើយ។
 

«កិច្ចសន្យារបស់ម្ចាស់ផ្ទះ គឺមានភាពច្បាស់លាស់។ យើងមើលឃើញថា គ្មានសញ្ញាណាមួយថាពួកគេប្រែក្រឡាស់នោះទេ»។ នេះជាការបញ្ជាក់របស់លោក Dubi។
 

សព្វថ្ងៃតៃវ៉ាន់ ត្រូវបានដាក់ឈ្មោះ ឆាយនីស តៃប៉ិ និងប្រើប្រាស់ទង់តំណាងដោយឡែក ក្នុងការចូលរួមប្រកួតកីឡាគ្រប់ប្រភេទ រួមទាំងកម្រិតកីឡាអូឡាំពិកផង។ 
 

ដោយឡែក ហុងកុងវិញក៏មិនខុសពីតៃវ៉ាន់ដែរ។ ហុងកុងដែលមានគណៈកម្មាធិការជាតិអូឡាំពិកដាច់ដោយឡែកពីចិនដូចតៃវ៉ាន់ដោយទទួលស្គាល់ពី IOC ត្រូវបានចិនចង់បានទីក្រុងនេះ ជាទីក្រុងរបស់ខ្លួន។ យ៉ាងណា ហុងកុងនៅតែព្យាយាមរក្សាស្វ័យភាពមួយកម្រិតធំបន្ទាប់ពីទឹកដីនេះត្រូវបានអង់គ្លេសប្រគល់ទៅឱ្យចិនកាន់កាប់វិញក្នុងឆ្នាំ ១៩៩៧។
 

ទាំងហុងកុង និងតៃវ៉ាន់ សុទ្ធតែបានចូលរួមប្រកួតប្រជែងមេដាយនៅព្រឹត្តិការណ៍អូឡាំពិករដូវក្តៅក្រុងប៉េកាំងឆ្នាំ ២០០៨ រួចមកហើយ៕