១. អាហារមានផ្ទុកបូតាស្យូមខ្ពស់

 

អាហារដែលមានផ្ទុកសម្បូរទៅដោយជាតិប៉ូតាស្យូម គឺមានលក្ខណៈសម្បត្តិប្រឆាំងការរលាកដែលជួយកាត់បន្ថយរោគសញ្ញា ឬអាការៈនៃជំងឺត្រអកបានយ៉ាងប្រសើរ។

 

២. ផ្លែល្ហុង

 

មានសមត្ថភាពគ្រប់គ្រងការរលាកក្នុងរាងកាយ ផ្លែល្ហុង គឺល្អណាស់សម្រាប់រួមបញ្ចូលក្នុងរបបអាហារអ្នកជំងឺត្រអក។ វាមានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលជួយការពារស្បែកមិន​ឱ្យទទួលរងការបំផ្លាញថែមទៀតផង។

 

៣. ស្ត្របឺរី

 

ផ្លែឈើនេះជាប្រភពដ៏ល្អបំផុតមួយនៃសារធាតុប្រឆាំងអុកស៊ីតកម្មនិងវីតាមីន C ដែលអ្នកជំងឺត្រអកត្រូវការចាំបាច់ដើម្បីឆាប់ជាសះស្បើយ។

 

៤. ផ្លែម្នាស់

 

អ្នកជំនាញជាច្រើនបានឱ្យដឹងថា ផ្លែម្នាស់មានផ្ទុកសារធាតុ bromelain ដែលជាភ្នាក់ងារប្រឆាំងការរលាកក្នុងរាងកាយ។ នេះជាមូលហេតុចម្បងបំផុតមួយដែលអ្នកជំងឺត្រអកគួរព្យាយាមទទួលទានផ្លែម្នាស់ ឬទឹកម្នាស់ស្រស់ៗ។

 

៥. ផ្លែប៉ោម

 

មានផ្ទុកសម្បូរទៅដោយជាតិសសៃ ផ្លែប៉ោមអាចជួយឱ្យជំងឺត្រអកឆាប់ជាសះស្បើយ។ ម្យ៉ាងវិញទៀតជាតិសសៃក៏ជួយកម្ចាត់ជាតិពុលពីក្នុងរាងកាយមុនពេលវាមានឱកាសបង្កការរលាកដែលជាអ្វីមួយធ្វើឱ្យជំងឺត្រអកកាន់តែធ្ងន់ធ្ងរឡើង។

 

៦. គ្រាប់អាល់ម៉ុន

 

អាស៊ីតខ្លាញ់សុខភាពល្អក្នុងគ្រាប់អាល់ម៉ុន គឺល្អណាស់សម្រាប់អ្នកជំងឺត្រអក។ ស្បែកត្រូវការអាស៊ីតខ្លាញ់សុខភាពល្អដែលមានផ្ទុកក្នុងគ្រាប់អាល់ម៉ុនសម្រាប់ការជួសជុលឡើងវិញនិងគ្រប់គ្រងការរលាក។ ទោះជាយ៉ាងណាអ្នកត្រូវប្រយ័ត្នមិនគួរទទួលទានឡើយ ប្រសិនបើអាឡែកស៊ីជាមួយគ្រាប់ធញ្ញជាតិនេះ។

 

៧. គ្រាប់ធញ្ញជាតិវ៉ាល់ណឺត

 

គ្រាប់ធញ្ញជាតិនេះអាចផ្ដល់ឱ្យរាងកាយនូវអាស៊ីតខ្លាញ់សុខភាពល្អដែលមានប្រសិទ្ធភាពប្រយុទ្ធប្រឆាំងនឹងជំងឺត្រអក។ ទោះជាយ៉ាងណាអ្នកត្រូវប្រយ័ត្នមិនគួរទទួលទានឡើយ ប្រសិនបើអាឡែកស៊ីជាមួយគ្រាប់ធញ្ញជាតិនេះ។

 

៨. គ្រាប់ផ្កាឈូករ័ត្ន

 

គ្រាប់ផ្កាឈូករ័ត្នមានផ្ទុកសម្បូរទៅដោយវីតាមីន E ដែលល្អណាស់សម្រាប់សុខភាពស្បែកប្រឆាំងនឹងជំងឹត្រអក។

 

៩. គ្រាប់ល្ង

 

មានផ្ទុកសម្បូរទៅដោយវីតាមីន E និងអាស៊ីតខ្លាញ់សុខភាពល្អដែលជួយគ្រប់គ្រងអាការៈនៃជំងឺត្រអក។ អ្នកក៏អាចទទួលបានសារធាតុចិញ្ចឹមជាច្រើនផ្សេងទៀតពីគ្រាប់ពូជនេះផងដែរ។

 

១០. អាហារមានផ្ទុកសារធាតុប្រូបាយអូទិក

 

អាហារប្រូបាយអូទិកដូចជាយ៉ាអួរជាដើម គឺល្អណាស់សម្រាប់បង្កើនបរិមាណនៃបាក់តេរីល្អៗក្នុងពោះវៀន និងពង្រឹងប្រព័ន្ធភាពស៊ាំរាងកាយ។ ជាលទ្ធផលជួយកាត់បន្ថយអាការៈនៃជំងឺត្រអក ឬប្រតិកម្មអាឡែកស៊ី៕

 

ត្រួតពិនិត្យ​ដោយ www.health.com.kh