ពីនេះ ពីនោះ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
ការថប់អារម្មណ៍គឺជាបទពិសោធន៍ខាងផ្លូវចិត្តបែបអវិជ្ជមានខ្លាំងមួយដែលអាចមានលក្ខណៈចាប់ពីកម្រិតរ៉ាំរ៉ៃតិចតួចរហូតដល់ធ្ងន់ខ្លាំង។ នៅពេលអ្នកកំពុងតែជួបបញ្ហាថប់អារម្មណ៍ហើយនោះ វាហាក់បីដូចជាមិនអាចយកឈ្នះវាបានទាល់តែសោះ។ សំណាងដែរ យើងមានជម្រើសខាងផ្លូវចិត្ត និងផ្លូវកាយច្រើនដើម្បីកាត់បន្ថយអារម្មណ៍បែបនេះបាន។
ដកដង្ហើមជ្រៅៗ
នៅពេលស្ថិតក្នុងសភាពតក់ស្លុង ចង្វាក់ដង្ហើមអ្នកនឹងញាប់ ដែលវាទៅកាត់បន្ថយចំនួនអុកស៊ីសែនទៅខួរក្បាល។ រឿងនេះកាន់តែធ្វើឲ្យអ្នកពិបាកគិតអ្វីមួយឲ្យកាន់តែច្បាស់លាស់ និងត្រឹមត្រូវណាស់។ ចូរចំណាយពេលផ្តោតអារម្មណ៍លើការដកដង្ហើមជ្រៅៗផងដែរទៅ។ ចូរដកដង្ហើមចូលឲ្យបាន ៤វិនាទី ហើយទប់ដង្ហើមនោះឲ្យបាន ៤វិនាទី បន្ទាប់មកបន្ធូរដង្ហើមនោះឲ្យបាន ៤វិនាទីទៀត។ ការធ្វើបែបនេះពី ១ ទៅ២នាទីគួរតែអាចជួយបន្ធូរភាពតានតឹងរបស់អ្នកបានយ៉ាងលឿនហើយ។
ចំណាយពេលហាត់ប្រាណ
ខណៈពេលដែលការថប់អារម្មណ៍ធ្វើឲ្យអ្នកតក់ស្លុតរ៉ាំរ៉ៃនោះ ការហាត់ប្រាណបែរជាអាចជួយឲ្យអ្នកមានអារម្មណ៍ល្អទៅវិញ។ ការធ្វើសកម្មភាពរាងកាយនឹងបញ្ចេញសារធាតុ Endorphins ដែលវាមាននាទីជួយឲ្យសប្បាយចិត្តកាន់តែខ្លាំង និងកាត់បន្ថយអ័រម៉ូនធ្វើឲ្យស្ត្រេស។ កាលណាអ្នកចាប់ផ្តើមយល់ថាថប់ក្នុងអារម្មណ៍ហើយ ចូរទៅហៅប្រាណ ឬចំណាយពេលដើរឲ្យបានលឿនតាមតែអាចធ្វើបានទៅ។ ក្រៅពីព្យាបាលភ្លាមៗបែបនេះ ការហាត់ប្រាណទៀងទាត់នឹងជួយបន្ថយកម្រិតថប់អារម្មណ៍បានយ៉ាងល្អ។
តាំងសមាធិ
ការបញ្ឈប់អារម្មណ៍គិតអំពីហេតុផលនាំឲ្យតានតឹងក្នុងចិត្ត និងផ្តោតទៅលើអ្វីៗដែលល្អពិតជាជួយបន្ថយអាការថប់អារម្មណ៍ និងភ័យខ្លាចបានជាមិនខាន។ នៅពេលការគិតអំពីរឿងតក់ស្លុងចាប់ផ្តើមកើតមានមែននោះ ចូរបំប្លែងរឿងនេះទៅជាអ្វីមួយក្នុងន័យវិជ្ជមានវិញ ឬតាំងសមាធិបន្លប់ ពេលនោះអ្នកនឹងអាចយកឈ្នះចិត្តបិសាចនេះបាន។
ញ៉ាំអាហារផ្តល់សុខភាព
ការសិក្សាបានឲ្យដឹងថា ការញ៉ាំអាហារមិនផ្តល់សុខភាពពិតជាមានទំនាក់ទំនងគ្នានឹងការថប់អារម្មណ៍ និងស្ត្រេស។ ដូច្នេះចូរព្យាយាមញ៉ាំបន្លែ, ផ្លែឈោះ និងគ្រាប់ធញ្ញជាតិឲ្យបានច្រើនវិញទៅ។ យកល្អអ្នកគួរឲ្យច្បាស់ថាខ្លួនមិនមានប្រតិកម្មអាឡែហ្ស៊ីជាមួយនឹងអាហារទាំងអស់ដែលនាំឲ្យកើតជាជំងឺថប់អារម្មណ៍ឡើយ។
ប្រើថ្នាំបំប៉នជាតិម៉ាញ៉េស្យូម
ម៉ាញ៉េស្យូមមានតួនាទីកាត់បន្ថយឥទ្ធិពលនៃភាពថប់អារម្មណ៍ពីកម្រិតបារម្ភទៀងទាត់រហូតដល់ភ័យខ្លាចខ្លាំង។ បើសិនជាអ្នកកង្វះជាតិម៉ាញ៉េស្យូមក្នុងខ្លួន អ្នកប្រហែលជាងរងភាពតក់ស្លុតណាស់ហើយ។ ដូច្នេះចូរស្វែងរកផលិតផលថ្នាំបំប៉នជាតិម៉ាញ៉េស្យូមពីកន្លែងលក់ថ្នាំហើយមើលពីប្រសិទ្ធភាពរបស់វាទៅ។
ជួបអ្នកជំនាញព្យាបាល
បើសិនជាការថប់អារម្មណ៍អ្នកកាន់តែធ្ងន់ធ្ងរ ហើយមិនអាចជំនះវាបានទេនោះ អ្នកគួរតែកុំមានការអៀនខ្មាសក្នុងការលើកវាទៅពិភាក្សាជាមួយអ្នកជំនាញអី។ ការពិគ្រោះជំងឺបែបនេះក៏មិនមែនដូចគ្នានឹងជំងឺដែលមានរបួស ហើយត្រូវសួរនាំច្រើនដែរ ប៉ុន្តែអ្នកជំនាញខាងជំងឺចិត្តសាស្ត្រនឹងសួរអ្នកទាក់ទងនឹងរឿងផ្លូវចិត្តច្រើនជាង។ បើសិនជាអ្នកធ្លាប់មានបញ្ហាថប់អារម្មណ៍រ៉ាំរ៉ៃ ឬឧស្សាហ៍ភ័យខ្លាចនោះ មានតែការកំណត់រោគវិនិច្ឆ័ខាយងចិត្តសាស្ត្រទេទើបអាចជួយព្យាបាលអ្នកបានត្រឹមត្រូវ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
