ភ្នំពេញ៖ រដ្ឋបាលជលផល នឹងបិទការនេសាទអូសគ្រំក្រឡាហូល នៅក្នុងដែននេសាទសមុទ្រកម្ពុជា រយៈពេល២ខែ ចាប់ពីថ្ងៃទី១ ខែកញ្ញា ដល់ថ្ងៃទី៣១ ខែតុលា ឆ្នាំ២០២១។ បើតាមសេចក្ដីជូនដំណឹងរបស់រដ្ឋបាលជលផល រយៈពេលនៃការបិទនេះ ជារដូវពងកូនរបស់គ្រំក្រឡាហូល។

 

ក្នុងរដូវពងកូនរបស់គ្រំក្រឡាហូលនេះ រដ្ឋបាលជលផល បានហាមឃាត់ ចំពោះការធ្វើអាជីវកម្មនេសាទគ្រំក្រឡាហូល​ ក្នុងដែននេសាទសមុទ្រ។  រដ្ឋបាលជលផល បញ្ជាក់ថា ការបិទការនេសាទក្នុងរដូវពងកូននេះ ដើម្បីថែរក្សា និងការពារធនធានជលផលសមុទ្រ។
 

បើតាមរបាយការណ៍ក្រសួងកសិកម្ម រុក្ខាប្រមាញ់ និងនេសាទ ក្នុងឆ្នាំ២០២០ កន្លងទៅ កម្ពុជាផលិតបានផលិតផលជលផលចំនួន ៩៣៦,៣០០ តោន ក្នុងនោះមានផលិតផលទឹកសាប ជាង៤១ម៉ឺនតោន ផលិតផលសមុទ្រ ជាង១២ម៉ឺនតោន និងផលវារីវប្បកម្មជាង ៤០ម៉ឺនតោន៕