COVID-19
ជាតិ
៣ថ្ងៃចុងក្រោយ កម្ពុជារកឃើញអ្នកកើត Delta ៣២៦ករណី ដោយ១៣៧នាក់នៅភ្នំពេញ
× កម្ពុជា រកឃើញអ្នកឆ្លងជំងឺកូវីដ-១៩ប្លែងខ្លួនប្រភេទដែលតា (Delta) ចំនួន៣២៤ករណីទៀត នៅរយៈពេល៣ថ្ងៃចុងក្រោយនេះ។ គិតត្រឹមថ្ងៃទី២៥ សីហានេះ ករណីដែលតា កើនដល់ ១.៣២៥ករណី។ នេះបើតាមសេចក្តីប្រកាសព័ត៌មាន របស់ក្រសួងសុខាភិបាល ។
បើតាមសេចក្តីប្រកាសព័ត៌មានដដែល ក្នុងចំណោមករណីដែលតាដែលទើបរកឃើញនោះ គឺនៅភ្នំពេញមានច្រើនជាងគេគឺដល់ទៅ ១៣៧ករណី បន្ទាប់មកគឺខេត្តបន្ទាយមានជ័យ ៨៤នាក់។ ខេត្តសៀមរាប មាន២៥ករណី ខណៈឧត្តរមានជ័យ មាន១៥ករណីបន្ថែមដែរ។
មកទល់ពេលនេះ មានរាជធានី-ខេត្ត២៣ ហើយ ដែលមានវត្តមានរបស់មេរោគបំប្លែងថ្មី ដែលតានេះ លើកលែងតែខេត្តកែប និងក្រចេះតែប៉ុណ្ណោះ។ ក្រសួងសុខាភិបាល ក៏បានបញ្ជាក់ថា កូវីដ-១៩ បំប្លែងថ្មី ដែលតា កំពុងរាលត្បាតយ៉ាងខ្លាំង ក្នុងសហគមន៍ ពិសេសនៅរាជធានីភ្នំពេញ ខេត្តខេត្តសៀមរាប ឧត្តរមានជ័យ បន្ទាយមានជ័យ ព្រះវិហារ ខេត្តកណ្តាល មានករណីដែលតាច្រើនជាងគេ។
សូមជម្រាបថា ករណីដែលតា ដែលរកឃើញនៅកម្ពុជានេះ គឺរកឃើញលើអ្នកដំណើរពីបរទេស, ពលរដ្ឋខ្មែរដែលត្រឡប់មកពីប្រទេសថៃ និងវៀតណាម ។ ករណីឆ្លងក្នុងសហគមន៍ នេះ ក៏មានបុគ្គលិកសុខាភិបាល ពិរុទ្ធជន និងយោធាផងដែរ។
បច្ចុប្បន្នកម្ពុជា មានអ្នកឆ្លងជំងឺកូវីដ-១៩ សរុប៩០.៥៣៥ នាក់ ក្នុងនោះករណីបំប្លែងថ្មី Delta មានចំនួន ១៣២៥ករណី។ អ្នកជាសះស្បើយ ៨៦.៧០២នាក់ និងអ្នកស្លាប់១.៨៣៥នាក់៕
Tag:
ដែលតា
Delta
ភ្នំពេញ
សៀមរាប
បន្ទាយមានជ័យ
© រក្សាសិទ្ធិដោយ thmeythmey.com