ជាតិ
សេដ្ឋកិច្ច
លោក គុណ ញឹម អគ្គនាយកនៃអគ្គនាយកគយ និងរដ្ឋាករកម្ពុជា។ រូបថត៖ ហ្វេសប៊ុកអគ្គនាយកដ្ឋានគយ និងរដ្ឋាករកម្ពុជា
×![]()
អគ្គនាយកដ្ឋានគយនិងរដ្ឋាករកម្ពុជា សម្រេចដាក់ឱ្យដំណើរការនូវមុខងារគ្រប់គ្រងទូរស័ព្ទចល័ត និងឧបករណ៍ប្រើប្រាស់ស៊ីមកាតផ្សេងទៀត ដើម្បីពង្រឹងការប្រមូលចំណូលពន្ធ-អាករ លើមុខទំនិញប្រភេទទូរស័ព្ទចល័តនាំចូលគ្រប់ប្រភេទ។ បើតាមអគ្គនាយកដ្ឋានគយនិងរដ្ឋាករកម្ពុជា មុខងារគ្រប់គ្រងទូរស័ព្ទចល័ត និងឧបករណ៍ប្រើប្រាស់ស៊ីមកាតផ្សេងៗ គឺអនុវត្តពីថ្ងៃទី១កញ្ញា ឆ្នាំ២០២១ តទៅ។ 
ស្របពេលការប្រើប្រាស់ទូរសព្ទចល័ត និងឧបករណ៍ប្រើប្រាស់ស៊ីមកាតនៅកម្ពុជា កំពុងមានការកើនឡើងជាគំហុក អគ្គនាយកដ្ឋានគយនិងរដ្ឋាករកម្ពុជា បានអនុម័តឱ្យដំណើរការនូវមុខងារគ្រប់គ្រងឧបករណ៍ទាំងនេះ ដើម្បីពង្រឹងដល់ការប្រមូលចំណូលពន្ធ-អាករលើមុខទំនិញប្រភេទទូរស័ព្ទចល័តនាំចូលគ្រប់ប្រភេទ ចាប់ពីថ្ងៃទី១កញ្ញា ឆ្នាំ២០២១តទៅ។ នេះបើយោងតាមសេចក្តីជូនដំណឹងរបស់អគ្គនាយកដ្ឋានគយនិងរដ្ឋាករកម្ពុជា។
អគ្គនាយកដ្ឋានគយនិងរដ្ឋាករកម្ពុជា បានរៀបចំរួចរាល់នូវមុខងារគ្រប់គ្រងទូរស័ព្ទចល័ត និងឧបករណ៍ប្រើប្រាស់ស៊ីមកាតផ្សេងទៀតនៃប្រព័ន្ធអេឡិចត្រូនិកគយ ដែលមានមុខងារសំខាន់ក្នុងការកត់ត្រា។ អគ្គនាយកដ្ឋានគយនិងរដ្ឋាករកម្ពុជា បានបញ្ជាក់៖« ប្រព័ន្ធនេះ នឹងគ្រប់គ្រងលេខអត្តសញ្ញាណឧបករណ៍អន្តរជាតិ (IMEI) នៃទូរស័ព្ទចល័ត និងឧបករណ៍ប្រើប្រាស់ស៊ីមកាតផ្សេងទៀត ដែលបាននាំចូលដោយបំពេញកាតព្វកិច្ចពន្ធ និងអាករតាមបទប្បញ្ញត្តិជាធរមាន»។
ទិន្នន័យពីនិយ័តករទូរគមនាគមន៍កម្ពុជានៃក្រសួងទូរគមនាគមន៍ និងប្រៃសណីយ៍ បានបង្ហាញថា កាលពីខែឧសភា ឆ្នាំ២០២១ ចំនួននៃការទិញទូរស័ព្ទចល័តក្នុងប្រតិបត្តិករទាំង៦នៅកម្ពុជាមាន ២០ ៧០៨ ១៤៦ និងចំនួនអ្នកប្រើប្រាស់អ៊ីនធឺណិតបានកើនឡើងដល់ជាង១៧,២៦លាននាក់ដែលរួមទាំងអ្នកប្រើប្រាស់អ៊ីនធឺណិតចល័តផងដែរ៕
Tag:
ពន្ធនាំចូល
ទូរសព្ទ
គុណ ញឹម
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
