១. កាត់បន្ថយស្នាមជ្រីវជ្រួញ ឬស្នាមខ្សែរលើស្បែកមុខ

 

ការគេងបែរទៅម្ខាង ឬផ្អៀងនិងការគេងផ្កាប់មុខជាកត្តាចម្បងបំផុតមួយនៃបញ្ហាលេចឡើងនូវស្នាមខ្សែលើស្បែក ព្រមទាំងភាពជ្រីវជ្រួញខណៈដែលផ្ទៃមុខត្រូវផ្អឹបជាប់នឹងខ្នើយជាច្រើនម៉ោងកំឡុងពេលអ្នកគេង។

 

២. ទប់ស្កាត់ស្នាមជ្រីវជ្រួញលើស្បែក-ក និងទ្រូង

 

មិនត្រឹមតែស្បែកមុខរបស់អ្នកប៉ុណ្ណោះទេដែលនឹងទទួលរងគ្រោះដោយសារទម្លាប់នៃការគេងផ្អៀង ប៉ុន្តែស្បែក-ក និងទ្រូងរបស់អ្នកក៏អាចជួបបញ្ហាដូចគ្នា ហើយស្នាមជ្រីវជ្រួញអាចនឹងលេចឡើងយ៉ាងច្បាស់តែម្ដង។

 

៣. កាត់បន្ថយការហើម

 

ការគេងផ្អៀង ឬផ្កាប់មុខអាចបណ្ដាលឱ្យមុខរបស់អ្នកប្រែជាមើលទៅហើមៗនៅពេលព្រឹក។ ទោះជាយ៉ាងណាវាគ្រាន់តែលេចឡើងមួយខណៈពេលប៉ុណ្ណោះ។

 

៤​. កាត់បន្ថយរោគមុន និងស្នាមមុន

 

នៅពេលអ្នកគេងផ្អៀង ស្បែកមុខប្រាកដជាត្រូវផ្អឹបជាប់នឹងស្រោមខ្នើយ ឬសក់ជាច្រើនម៉ោង។ ជាលទ្ធផលបណ្ដាលឱ្យងាយឡើងមុនលើស្បែកមុខដោយសារភាពកខ្វក់ ឬធូលីដែលមានជាប់លើស្រោមខ្នើយ។

 

៥. បង្កើនប្រសិទ្ធភាពនៃផលិតផលថែរក្សាសម្រស់

 

ថាតើអ្នកមានធ្លាប់ប្រើប្រាស់ផលិតផលថែរក្សាស្បែកមុខជាប្រចាំមុនពេលចូលគេងមែនទេ? ដូច្នេះដើម្បីកុំឱ្យខ្ជះខ្ជាយ ចូរព្យាយាមគេងផ្ងារ ខណៈដែលការគេងផ្អៀងអាចបណ្ដាលឱ្យអ្វីដែលអ្នកលាបលើមុខអាចជាប់នឹងខ្នើយ ឬសក់នៅពេលគេងផ្អឹបលើ៕

 

ត្រួតពិនិត្យ​ដោយ www.health.com.kh