«ដើមឈើចាំស្នេហ៍ និងសិលាចាំស្នេហ៍» ឈរបង្អួតសម្រស់ទាក់ទាញទេសចរ នៅខេត្តព្រះសីហនុ

ជាតិ

«ដើមឈើចាំស្នេហ៍ និងសិលាចាំស្នេហ៍» ឈរបង្អួតសម្រស់ទាក់ទាញទេសចរ នៅខេត្តព្រះសីហនុ

12, Sep 2021 , 9:59 am

រូបភាព

ដោយ: ថ្មីៗ

ដោយ៖ ThmeyThmey25

ព្រះសីហនុ៖ ដើមឈើធំមួយដើម និងផ្ទាំងថ្មដ៏ធំ ដែលស្ថិតនៅចំពាក់កណ្តាលផ្លូវបេតុងមួយខ្សែ ឆ្ពោះទៅឆ្នេរអូរត្រេះ និងឆ្នេរអូរឈើទាល ក្នុងខេត្តព្រះសីហនុ ត្រូវបានសម្តេចនាយករដ្ឋមន្ត្រី ហ៊ុន សែន ប្រសិទ្ធនាមឱ្យថា «ដើមឈើចាំស្នេហ៍ និង សិលាចាំស្នេហ៍។ ដើមឈើស្នេហ៍ ជាប្រភេទដើមជ្រៃត្រាងមានកម្ពស់១៥ម៉ែត្រដែលមានអាយុកាលយូរឆ្នាំមកហើយ ហើយសិលាចាំស្នេហ៍ ជាផ្ទាំងថ្មធម្មជាតិដ៏ធំ។ កន្លងមកលោក គួច ចំរើន អភិបាលខេត្តព្រះសីហនុ បានប្រាប់សារព័ត៌មានThmeyThmey25 ថា មូលហេតុដែលលោករក្សាដើមឈើ និងសិលានេះព្រោះ ចង់រក្សាទុករបស់ដែលមានពីធម្មជាតិ ដើម្បីជាគ្រឿងលម្អសម្រាប់ទាក់ទាញដល់ភ្ញៀវទេសចរឲ្យទៅកម្សាន្តលេងនៅក្នុងខេត្តព្រះសីហនុ។ បច្ចុប្បន្នភ្ញៀវទេសចរ ធ្វើដំណើរកាត់ដងវិថីនេះ តែងឈប់សម្រាក និងថតរូបជាមួយដើមឈើចាំស្នេហ៍ និងសិលាចាំស្នេហ៍នេះ ដើម្បីបង្ហាញថាខ្លួនបានមកដល់ទឹកដីខេត្តព្រះសីហនុ៕