ជាតិ
សិល្បះ
ការចុះព្រមព្រៀងផ្តល់ជំនួយ រវាងស្ថានទូតស៊ុយអែត និងអង្គការសិល្បៈខ្មែរអមតៈ។ រូបថត៖ ស្ថានទូតស៊ុយអែតប្រចាំកម្ពុជា
×![]()
ដោយ: ថ្មីៗ
រដ្ឋាភិបាលស៊ុយអែត បានចុះកិច្ចព្រមព្រមផ្តល់ជំនួយ ១លានដុល្លារ គាំទ្រវិស័យសិល្បៈ និងវប្បធម៌ខ្មែរ តាមរយៈអង្គការសិល្បៈខ្មែរអមតៈ(CLA)។ បើតាមទំព័រហ្វេសប៊ុកស្ថានទូតស៊ុយអែត ប្រចាំប្រទេសកម្ពុជា កិច្ចព្រមព្រៀងដំណាក់កាលដំបូងនៃការគាំទ្រនេះ គឺមានរយៈពេល៣ឆ្នាំ ហើយគោលបំណងចម្បងនៃជំនួយនេះ គឺគាំទ្រដល់សិល្បករ ស្វែងយល់ពីសក្តានុពល នៃការចូលរួមរបស់ប្រជាពលរដ្ឋ តាមរយៈសិល្បៈនៅក្នុងប្រទេសកម្ពុជា និងដើម្បីបង្កើត ចែករំលែក និងពិភាក្សាររឿងរ៉ាវ និងទស្សនៈចម្រុះផ្សេងៗ ជុំវិញបរិបទសង្គម នយោបាយ និងវប្បធម៌តាមរយៈការបង្ហាញនូវវប្បធម៌ និងសិល្បៈផ្សេងៗ។
តាមរយៈស្ថានទូតខ្លួន ស៊ុយអែត សរសេរថា អង្គការសិល្បៈខ្មែរអមតៈ មានបេសកកម្មដើរតួជាកត្តាជំរុញ នៅក្នុងវិស័យសិល្បៈដ៏រស់រវើក ដែលញុំាងចិត្តអ្នកជំនាន់ថ្មី។ សិល្បៈខ្មែរអមតៈ គឺជាអង្គការសិល្បៈនិងវប្បធម៌ចម្បងនៅកម្ពុជា ដែលជំរុញលើកស្ទួយសិល្បករទោល និងជាក្រុម លើគ្រប់វិស័យទាំងអស់ រួមមានតន្ត្រី របាំ សិល្បៈទស្សនីយ៍ ភាពយន្ត និងអក្សរសិល្ប៍។ អង្គការនេះ បានពង្រីកការផ្សព្វផ្សាយ និងឥទ្ធិពលរបស់ខ្លួនយ៉ាងទូលំទូលាយ តាមរយៈការតាំងពិព័រណ៍ ការសម្តែង សិក្ខាសាលា និងសន្និបាតជាច្រើន៕
Tag:
ជំនួយ
សិល្បៈ
CLA
© រក្សាសិទ្ធិដោយ thmeythmey.com
