លោក សំ ដារ៉ាវុទ្ធី មានជំងឺដុះសាច់ក្នុងខួរក្បាលអស់ជាច្រើនឆ្នាំ និងធ្លាក់ខ្លួនឈឺធ្ងន់ ២ឆ្នាំនេះ។នេះបើតាមប្អូនស្រីបង្កើតរបស់លោក សំ ដារ៉ាវុទ្ធី។ 
 

« គាត់ស្លាប់ហើយបង ខ្ញុំសុំទោសខ្ញុំនិយាយមិនចេញទេ»។ នេះជាសម្តីអួលដើមករ លាយជាមួយសម្លេងយំ របស់ប្អូនស្រី លោក សំដារ៉ាវុទ្ធី។ 
  

លោក ហៀក សៅ ត្រូវជាប្អូនប្រុសពៅរបស់លោក សំ ដារ៉ាវុទ្ធី បានបញ្ជាក់ប្រាប់សារព័ត៌មានថ្មីៗថា លោក សំ ដារ៉ាវុទ្ធី បានឈានជើងចូលសិល្បៈ សម្ដែងក្នុងរឿងភាគ និងបទចម្រៀង ក្នុងអំឡុងឆ្នាំ១៩៩០ និងមានកេរ្តិ៍ឈ្មោះ នៅចន្លោះឆ្នាំ១៩៩៥-១៩៩៦។ « រឿងដែលបងប្រុសខ្ញុំសម្ដែងជាតួរអង្គឯក មានពីរគឺ រឿងមាយើង និងរឿងព្រះបាទត្រសក់ផ្អែម ហើយបូករួមទាំងដើរតួររួមផ្សំផ្សេងៗទៀត ក្នុងរឿង និងបទចម្រៀង ​ខារ៉ាអូខេ ប្រហែលពី ៣០ទៅ៤០បទដែរ» ។ នេះជាការបញ្ជាក់របស់លោក ហៀក សៅ៕