ពីនេះ ពីនោះ
ព័ត៍មានសុខភាព
សុខភាព
គ្រឿងផ្សំធម្មជាតិ ៤ មុខ ព្យាបាលរលាកអញ្ចាញធ្មេញ ឈាមអញ្ចាញធ្មេញ ក្លិនមាត់មិនល្អនៅផ្ទះ
×![]()
ដោយ: សារព័ត៌មានថ្មីៗ
ដោយគ្រាន់តែគ្រឿងផ្សំសាមញ្ញមួយចំនួន អ្នកអាចយកឈ្នះជំងឺរលាកអញ្ចាញធ្មេញ ក្លិនមាត់ ឈាមអញ្ចាញធ្មេញ ដោយមិនចាំបាច់ប្រើថ្នាំ។
ទឹកអំបិល
អំបិលជាថ្នាំសម្លាប់មេរោគធម្មជាតិដែលជួយព្យាបាលអញ្ចាញធ្មេញ។ ការខ្ពុរមាត់ជាមួយទឹកអំបិលជារៀងរាល់ថ្ងៃអាចនាំមកនូវអត្ថប្រយោជន៍ជាច្រើនដល់ធ្មេញរបស់អ្នក។
អ្នកគ្រាន់តែបន្ថែមអំបិលបន្តិច និងទឹកក្តៅឧណ្ហៗមួយពែង ហើយកូរឱ្យសព្វ។ ខ្ពុរមាត់ជាមួយនឹងទឹកអំបិលនេះប្រហែល 30 វិនាទី រួចខ្ជាក់វាចេញ។ អ្នកអាចខ្ពុរដោយទឹកអំបិល ២-៣ដងក្នុងមួយថ្ងៃ។ អ្នកក៏អាចទិញអំបិលសរីរវិទ្យាពីឱសថស្ថានដើម្បីលាងជម្រះមាត់របស់អ្នក។
ចំណាំ៖ ការប្រើទឹកអំបិលញឹកញាប់ពេក ឬបៀមទឹកអំបិលយូរពេកអាចធ្វើឲ្យសឹកធ្មេញ។
ប្រេងដូង
ការខ្ពុរមាត់ជាមួយនឹងប្រេងដូងអាចកាត់បន្ថយស្នឹមនៅលើធ្មេញ និងសញ្ញានៃការរលាកអញ្ចាញ។ លើសពីនេះ ប្រេងដូងក៏ជួយកាត់បន្ថយក្លិនមាត់មិនល្អផងដែរ។
អ្នកដាក់ប្រេងដូងប្រហែល 5-10ml ចូលក្នុងមាត់ហើយខ្ពុរមាត់ដើម្បីឱ្យប្រេងដូងជ្រាបក្នុងមាត់និងធ្មេញឱ្យស្មើ។ ខ្ជាក់ប្រេងដូងចេញ ហើយលាងសម្អាតមាត់ដោយទឹកស្អាត។ បន្ទាប់មក អ្នកអាចដុសធ្មេញរបស់អ្នកដូចធម្មតា។
ប្រេងដើមតែ
ប្រេងដើមតែអាចកាត់បន្ថយឈាមអញ្ចាញធ្មេញបានយ៉ាងសំខាន់។
អ្នកត្រូវចាក់ប្រេងដើមតែ ៣ ដំណក់ក្នុងទឹកក្តៅប្រហែល ២២៥ មីលីលីត្រ។ ខ្ពុរមាត់ប្រហែល 30 វិនាទី បន្ទាប់មកខ្ជាក់វាចេញ។ អនុវត្តវិធីនេះម្តងទៀត ២-៣ ដងក្នុងមួយថ្ងៃ ឬបន្ថែមប្រេងដើមតែ ១ ដំណក់ទៅក្នុងថ្នាំដុសធ្មេញរបស់អ្នកពេលដុសធ្មេញរបស់អ្នក។
ចំណាំ៖ ពេលប្រើ អ្នកគួរតែពង្រាវប្រេងដើមតែឱ្យល្អិតល្អន់ ដើម្បីជៀសវាងប្រតិកម្មអាលែហ្សី។ គួរទិញប្រេងដើមតែដែលមានធាតុផ្សំ និងប្រភពដើមច្បាស់លាស់។
ស្លឹកត្របែក
តាំងពីបុរាណកាលមក មនុស្សបានប្រើស្លឹកត្របែកដើម្បីព្យាបាលក្លិនមាត់។ ការសិក្សាមួយចំនួនបង្ហាញថា ស្លឹកត្របែកមានលក្ខណៈសម្បត្តិប្រឆាំងនឹងបាក់តេរី ដែលជួយគ្រប់គ្រងការដុះស្នឹម។ ការខ្ពុរមាត់ជាមួយទឹកស្លឹកត្របែកជួយកាត់បន្ថយការរលាកអញ្ចាញធ្មេញ បំបាត់ការឈឺចាប់ និងព្យាបាលក្លិនមាត់មិនល្អ។
អ្នកត្រូវការស្លឹកត្របែកប្រហែល ៥-១៩សន្លឹក បុកហើយដាក់ក្នុងទឹកដាំពុះប្រហែល ២០០ មីលីលីត្រ។ រង់ចាំ 15 នាទីដើម្បីឱ្យសារធាតុនៅក្នុងស្លឹកត្របែករលាយចូលទៅក្នុងទឹក។
រង់ចាំល្បាយត្រជាក់ បន្ទាប់មកត្រងយកកាកចេញ បន្ថែមអំបិលបន្តិច រួចយកវាទៅខ្ពុរមាត់ប្រហែល ៣០ វិនាទី។ អ្នកអាចប្រើបាន 2-3 ដងក្នុងមួយថ្ងៃ។
វិធីការពារអញ្ចាញធ្មេញ ក្លិនមាត់មិនល្អ
អ្នកត្រូវដុសធ្មេញរបស់អ្នកយ៉ាងហោចណាស់ពីរដងក្នុងមួយថ្ងៃ បន្ទាប់ពីអាហារសំខាន់ៗ។
នៅពេលដុសធ្មេញ គួរតែដុះថ្នមៗ ហើយដុសគ្រប់ជ្រុងនៃធ្មេញ ដើម្បីកម្ចាត់កំណកកំបោរ។
វាត្រូវបានណែនាំអោយផ្លាស់ប្តូរច្រាសដុសធ្មេញរៀងរាល់ 3-4 ខែម្តង ដើម្បីជៀសវាងការប្រមូលផ្តុំបាក់តេរីដែលបណ្តាលអោយរលាកអញ្ចាញធ្មេញ។
ប្រើអំបោះដុសធ្មេញ ដើម្បីយកអាហារដែលជាប់នៅចន្លោះធ្មេញ។
ដើម្បីឱ្យធ្មេញរបស់អ្នកមានសុខភាពល្អ អ្នកគួរតែទៅជួបពេទ្យធ្មេញរៀងរាល់ ៦ខែម្តង។ ទន្តបណ្ឌិតនឹងសម្អាតស្នឹមនៅលើធ្មេញ ដែលការដុសធ្មេញ និងលាងជម្រះធម្មតា មិនអាចយកចេញបានទេ។ លើសពីនេះ ការពិនិត្យធ្មេញជាទៀងទាត់ក៏ជួយឱ្យអ្នករកឃើញការពុកធ្មេញទាន់ពេលវេលា និងព្យាបាលវាឱ្យទាន់ពេលវេលាផងដែរ៕
***កំណត់សម្គាល់៖ នេះជាអត្ថបទស្រាវជ្រាវ។ វាមានបំណងផ្តល់ជូនព័ត៌មានហើយមិនមែនជំនួស ការព្យាបាលដោយគ្រូពេទ្យឡើយ។ វេបសាយសុខភាព health.com.kh មិនទទួលខុសត្រូវចំពោះការព្យាបាលដោយខ្លួន ឯងដោយធ្វើតាមអត្ថបទនេះឡើយ។ ពេលមានជំងឺ សូមជួបជាមួយគ្រូពេទ្យដើម្បីពិនិត្យនិងព្យាបាល៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
