កីឡាអន្តរជាតិ
អន្តរជាតិ
Premier League នឹងផ្អាកប្រកួតជិត២ខែដើម្បីឱ្យកីឡាករទៅចូលរួម World Cup នៅកាតា
× ក្របខណ្ឌ Premier League របស់អង់គ្លេសនឹងត្រូវផ្អាកការប្រកួតរបស់ខ្លួនសម្រាប់លីគឆ្នាំក្រោយចាប់ពីសប្តាហ៍ទី១៧ ដើម្បីសម្រួលដល់ការប្រកួត World Cup 2022 នៅកាតា។ នេះបើតាមការផ្សាយរបស់លីគកំពូលមួយនេះនាថ្ងៃទី១១ ខែវិច្ឆិកាឆ្នាំ ២០២១។
តាមការប្រកាសរបស់ Premier League ការប្រកួតនឹងសម្រាកពីថ្ងៃទី១២ ខែវិច្ឆិកា រហូតដល់ថ្ងៃទី២៦ ខែធ្នូ ឆ្នាំ២០២២ ។
រដូវកាលថ្មី២០២២-២០២៣នៃ Premier League នឹងចាប់ផ្តើមពីថ្ងៃទី៦ ខែសីហា ឆ្នាំ ២០២២ ហើយបន្តប្រកួតដល់សប្ដាហ៍ទី១៦ ទើបសម្រាក មុនការប្រកួតពានរង្វាន់បាល់ទាត់ពិភពលោកWorld Cup ក្នុងខែវិច្ឆិកា ឆ្នាំ២០២២។ Premier league នឹងត្រូវចាប់ផ្ផ្តើមប្រកួតឡើងវិញនាថ្ងៃទី២៦ ខែធ្នូក្រោយចប់ World Cup ។ ប្រកួតចុងក្រោយសប្តាហ៍ទី៣៨ នឹងធ្វើនៅថ្ងៃទី២៨ ខែឧសភា ឆ្នាំ២០២៣។
សូមជម្រាបថាព្រឹត្តិការណ៍ World Cup 2022 នៅប្រទេសកាតានឹងធ្វើឡើងនៅថ្ងៃទី២១ ខែវិច្ឆិកា រហូតដល់ថ្ងៃទី១៦ខែធ្នូ៕
Tag:
Premier League
World Cup
© រក្សាសិទ្ធិដោយ thmeythmey.com