ក្រុមអ៊ីតាលីបានត្រឹមខកចិត្ត ខណៈមិនអាចរកបានជ័យជម្នះទល់ក្រុមជម្រើសជាតិអៀរឡង់ខាងជើងដើម្បីបានសំបុត្រយន្តហោះទៅកាតាដោយស្វ័យប្រវត្តិ។ លទ្ធផលស្មើនេះ ធ្វើឱ្យអ៊ីតាលី ធ្លាក់មកលេងវគ្គ Play-off ដើម្បីប្រជែងកៅអីតំណាងអឺរ៉ុប។ បានដោយលទ្ធផលបានបញ្ចប់ត្រឹមស្មើ០-០។
 

ទោះជាយ៉ាងណា លោក Mancini នៅតែមានក្តីរំពឹងខ្ពស់ដដែលក្នុងការនាំអ៊ីតាលីទៅកាន់ World Cup ដោយមិនចង់ឲ្យអ៊ីតាលីខកខានព្រឹត្តិការណ៍នេះដូច World Cup ឆ្នាំ២០១៨។

«យើងត្រូវស្វែងរកជ័យជម្នះឡើងវិញ ចាប់ពីពេលនេះរហូតដល់ការប្រកួតវគ្គ Play-off ត្រូវបានបញ្ចប់នាខែមីនាឆ្នាំ២០២២ ខាងមុខ។ ខ្ញុំមានទំនុកចិត្តទាំងស្រុងអំពីការប្រកួតវគ្គ Play-off ថា ពួកយើងនឹងចូលលេង World Cup ទាល់តែបាន។» នេះជាការលើកឡើងពីសំណាក់លោក Mancini ។
 

សូមជម្រាបថាក្រុមអ៊ីតាលីបន្ទាប់ពីបានបំបាក់ក្រុមតោកំណាចអង់គ្លេសរួចដណ្តើមពានរង្វាន់ Euro 2020 រួចមក មានលទ្ធផលមិនសូវល្អឡើយ ដោយ៧ប្រកួតចុងក្រោយ ឈ្នះតែ២ប្រកួតប៉ុណ្ណោះ ១ប្រកួតចាញ់ក្រុមអេស្ប៉ាញ និងស្មើ៤ប្រកួត៕