ក្លិបបិសាចក្រហម កំពុងស្វែងរកអ្នកចាត់ការថ្មីជំនួសលោក Ole Gunnar Solskjaer ដែលត្រូវបញ្ចប់តំណែង បន្ទាប់ពីដឹកនាំក្រុមបិនបានលទ្ធផលផ្លែផ្កា។ Pochettino ស្ថិតក្នុងចំណោមបេក្ខភាពម្នាក់ដែរ ដើម្បជំនួសអ្នកចាត់ការសញ្ជាតិន័រវែសនៅ Old Trafford។

 

Pochettino, Zinedine Zidane, Brendan Rodgers គ្រូ Leicester​ លោក  Erik Ten Hag គ្រូ Ajax និង Laurent Blanc ជាដើមសុទ្ធតែជាជម្រើសដើម្បីក្លាយជាអ្នកចាត់ការទូទៅ Man Utd។

 

យ៉ាងណាក៏ដោយ ក្នុងចំណោមពួកគេនៅមិនទាន់មានបេក្ខភាពរូបណាច្បាស់សម្រាប់ Man Utd នៅឡើយនោះទេ ប៉ុន្តែ​លទ្ធភាព​អាចជាលោក Pochettino ដែល​មានភាគរយច្រើនជាងគេ ។

 

បើតាមការផ្សាយរបស់កាសែត BBC អ្នកចាត់ការសញ្ជាតិអាហ្សង់ទីន ដែលកំពុងដឹកនាំ PSG ក៏បានបង្ហាញបំណងចង់ត្រឡប់ទៅ Premier League វិញដែរ ដោយអតីតអ្នកចាត់ការ Tottenham Hotspur រូបនេះបើកផ្លូវសម្រាប់តំណែងគ្រូ Man Utd។

 

Pochettino មិនសូវសប្បាយចិត្តក្នុងការកាន់តំណែងនៅ PSG ឡើយ បើទោះបានដឹកនាំក្រុមនេះនាំមុខដាច់ក្នុងតារាងពិន្ទុ Ligue 1 បារាំងរដូវកាលនេះ។ គ្រូវ័យ៤៩ឆ្នាំរូបនេះ មិនពេញចិត្តវិធីសាស្ត្រគ្រប់គ្រងក្លិបយក្សបារាំងដែលមានលោក Leonardo ជាប្រធានឡើយ។

 

Pochettino រីកមុខមាត់ខ្លាំងអំឡុងពេលដឹកនាំក្រុមរហស្សនាមមាន់ខ្នាយមាសរយៈពេល៥រដូវកាល។ មុនពេលត្រូវបញ្ចប់តំណែងមួយរដូវកាល Pochettino បានជួយ Spurs ឈានដល់វគ្គផ្តាច់ព្រ័ត្រ Champions League បើទោះទទួលបានត្រឹមរងជើងឯកក្តី៕