បើតាមការផ្សាយរបស់ទីភ្នាក់ងារព័ត៌មាន Reuters នៅថ្ងៃទី២៣ ខែវិច្ឆិកា BWF ធ្លាប់បានបើកការស៊ើបអង្កេតប្រឆាំងនឹង Khakimov បន្ទាប់ពីទទួលបានព័ត៌មានថាកីឡាករវាយសីរុស្ស៊ីរូបនេះចូលដីចូលជើងដើម្បីរៀបចំលទ្ធផលការប្រកួតទុកមុននាការប្រកួត European Teams Championships ដែលធ្វើឡើងកាលពីខែកុម្ភៈ ឆ្នាំ២០១៨។ នៅឆ្នាំ២០២០ BWF សម្រេចព្យួរ Khakimov ដោយកំណត់មិនឱ្យមានសកម្មភាពកីឡានេះ៥ឆ្នាំ។
 

Khakimov វ័យ៣៣ឆ្នាំ បានប្តឹងតវ៉ាលើការចោទប្រកាន់របស់ BWF ទៅកាន់ CAS ដោយជោគជ័យ ហើយរូបគេត្រូវរួចផុតពីការដាក់ទោសក្នុងវិស័យកីឡាវាយសីនេះវិញនៅថ្ងៃទី២១ ខែវិច្ឆិកា។

ជុំវិញការលុបចោលការពិន័យនេះ CAS អះអាងថា Khakimov នឹងមានសិទ្ធិចូលរួមក្នុងសកម្មភាពកីឡាវាយសីឡើងវិញ។ «បន្ទាប់ពីបានពិចារណាយ៉ាងម៉ត់ចត់អំពីភស្តុតាងទាំងអស់ និងការដាក់ស្នើដោយភាគីសងខាងរួចមក គណៈកម្មាធិកា CAS ពិនិត្យឃើញថា មិនមានភស្តុតាងគ្រប់គ្រាន់ដើម្បីបញ្ជាក់ថា Khakimov ប្រព្រឹត្តខុសឡើយ។ បទចោទដែលខ្វះភស្តុតាងជាក់ស្តែង មិនគួរដាក់ទណ្ឌកម្មលើ Khakimov ទេ»។
 

Khakimov ជាកីឡាករឆ្នើមរបស់​ក្រុមបុរស​រុស្ស៊ី​ដែល​បាន​ឈ្នះ​មេដាយ​សំរឹទ្ធ​ក្នុង​ការ​ប្រកួត​ជើងឯកជា​ក្រុម​អឺរ៉ុប​ឆ្នាំ ២០២០៕