ជាតិ
ពន្យល់ពាក្យ
ពីនេះ ពីនោះ
ផរុសវាចា មានន័យថា សម្តីអាក្រក់, ពាក្យទ្រគោះបោះបោក
× ផរុស មានន័យថា អាក្រក់ ទ្រគោះ ដោយពាក្យនេះ ត្រូវប្រើផ្សំជាមួយពាក្យផ្សេងទៀត ដើម្បីឲ្យមានន័យគ្រប់គ្រាន់។ តាមវចនានុក្រមខ្មែរ សម្តេចព្រះសង្ឃរាជ ជួន ណាត ពាក្យទាំងនោះ មានដូចជា ផរុសវាចា, ផរុសសព្ទ, ផរុសវាទ ជាដើម។
ផរុសវាចា (អានថា ផៈរុសៈវាចា) គឺ សម្តីអាក្រក់ ឬពាក្យទ្រគោះ, ពាក្យទ្រគោះបោះបោក, ពាក្យគ្រោតគ្រាត។ ផរុសវាទ ក៏មានន័យដូចគ្នាផងដែរ។
ផរុសសព្ទ (អានថា ផៈរុសៈ-ស័ប) មានន័យថា សូរសព្ទអាក្រក់គឺពាក្យទ្រគោះ, ពាក្យជេរ, ប្រទេច ដែលឮខ្លាំងៗរឿយៗមិនដាច់សូរ។ យើងក៏អាចសរសេរបានជា «បរុសសព្ទ» បានដែរ ដោយពាក្យនេះ ជិតដើមកំណើកពាក្យសំស្រ្កឹតជាង៕
© រក្សាសិទ្ធិដោយ thmeythmey.com