អគ្គនាយកដ្ឋានគយ បានរំលឹកដល់ម្ចាស់រថយន្តចង្កូតឆ្វេងដែលគ្មានពន្ធក្នុងស្រុកថា ការបន្ធូរបន្ថយការបង់ប្រាក់ពន្ធ-អាករ ១០ភាគរយ នឹងផុតកំណត់ថ្ងៃទី៣១ធ្នូ ឆ្នាំ២០២១ សម្រាប់រថយន្តចង្កូតឆ្ចេង។ បើមិនបានបង់ពន្ធ-អាករទេនោះ នឹងត្រូវបង់ពេញ មិនទទួលបានការបន្ធូរបន្ថយឡើយ។ ចំណែក រថយន្តចង្កូតស្ដាំ អគរបន្តអនុគ្រោះបន្ធូរបន្ថយការបង់ពន្ធ-អាករ ១០ភាគរយ ដល់ថ្ងៃទី៣០មិថុនា ឆ្នាំ២០២២ ដើម្បីមានពេលវេលាកែចង្កូតពីស្ដាំទីឆ្វេងស្របតាមច្បាប់ចរាចរណ៍កម្ពុជា។ 

 

អគរ បានបញ្ជាក់ថា ចាប់ពីថ្ងៃទី១មករា ឆ្នាំ២០២២ គយនឹងចុះបង្ក្រាបនៅទីតាមសាធារណៈលើរថយន្តដែលគ្មានពន្ធនិងអាករគ្រប់ប្រភេទ។ លើសពីនេះ នៅថ្ងៃទី១កក្កដា ឆ្នាំ២០២១ អគរ និងរដ្ឋាករកម្ពុជា នឹងអនុវត្តវិធាការចុះបង្ក្រាបយ៉ាងតឹងរឹងលើរថយន្តគ្មានពន្ធ ហើយរថយន្តចង្កូតស្ដាំបើបង្ក្រាបបាន នឹងត្រូវដោះបំបែកគ្រឿងបន្លាស់ឬកំទេចចោល៕