ពីនេះ ពីនោះ
«សិក្ខាកាម» មានន័យថា អ្នកស្រឡាញ់ការសិក្សា
× វចនានុក្រមខ្មែរ សម្តេចព្រះសង្ឃរាជ ជួន ណាត បានពន្យល់ពាក្យ «សិក្ខាកាម» ដោយខ្លីថា អ្នកពេញចិត្តកាន់តាមសិក្ខា, អ្នកស្រឡាញ់ការសិក្សា។
ពាក្យ «សិក្ខា» សំដៅលើការសិក្សា, ការរៀន, ការរៀនទន្ទេញ, ការសូត្ររៀន; ការហ្វឹក, ហាត់; ការប្រុងប្រយ័ត្នរក្សាមារយាទឲ្យល្អ; ខំប្រតិបត្តិ ។
រីឯពាក្យ «កាម» គឺ សេចក្ដីប្រាថ្នា, ចំណង់; ទ្រព្យសម្បត្តិ និងកិលេសដែលសត្វតែងប្រាថ្នា។ សព្ទនេះប្រើជាបទសមាសបានជាអនេក; បើរៀងពីខាងដើមសព្ទដទៃ អានថា កាម៉ៈ ដូចជា កាមគុណ, កាមតណ្ហា ជាដើម ។ កាមគុណ ដំណើរចំរើននៃសេចក្តីប្រាថ្នានូវអារម្មណ៍ទាំង ៥ គឺ រូប, សំឡេង, ក្លិន, រស, សម្ផស្ស ៕
© រក្សាសិទ្ធិដោយ thmeythmey.com