កម្ពុជា-ចិន សម្រេចទំហំពាណិជ្ជកម្មរួមគ្នាបានទៅដល់ ១០ ៩៨០លានដុល្លារ នៅត្រឹមរយៈពេល១០ខែ ឆ្នាំ២០២១។ នេះបើយោងតាមការចុះផ្សាយរបស់ស្ថានទូតចិនប្រចាំកម្ពុជា ដោយបានបញ្ជាក់ថា ទំហំពាណិជ្ជកម្មនេះ មានកំណើនចំនួន៤៥,៩ភាគរយ បើធៀបនឹងរយៈពេលដូចគ្នាកាលពីឆ្នាំ២០២០។

 

បើយោងតាមតួលេខដែលបង្ហាញដោយស្ថានទូតចិនប្រចាំកម្ពុជានេះ គឺមានចំនួនលើសពីអ្វីដែលថ្នាក់ដឹកនាំប្រទេសទាំងពីរបានប្តេជ្ញារួមគ្នាក្នុងការជំរុញទំពាណិជ្ជពាណិជ្ជកម្មឱ្យឈានដល់កម្រិត១ម៉ឺនលានដុល្លារ នៅឆ្នាំ២០២៣។

 

សូមជម្រាបផងដែរ ថា នៅថ្ងៃទី១មករា ឆ្នាំ២០២២ កិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន នឹងចូលជាធរមាន ហើយការចូលជាធរមាននេះ នឹងជំរុញការនាំចេញ-នាំចូលនៃប្រទេសទាំងពីរថែមទៀត៕