របាយការណ៍របស់ក្រសួងពាណិជ្ជកម្ម ដែលចេញផ្សាយកាលពីថ្ងៃទី២៧ធ្នូ ឆ្នាំ២០២១ ​បានបញ្ជាក់ថា ទំ ហំទឹកប្រាក់ដែលកម្ពុជាចំណាយលើការនាំចូលរថយន្ត នារយៈពេល១០ខែមកនេះ គឺស្មើ៤ភាគរយនៃការនាំទំនិញចូលសរុប​ ២៣ ០៦០ លានដុល្លារ។​ 

 

បើតាម ស៊ុន ចាន់ថុល រដ្ឋមន្រីក្រសួងសាធារណការ និងដឹកជញ្ជូន ចំនួនរថយន្តដែលបានចុះបញ្ជីប្រើប្រាស់នៅកម្ពុជានាបច្ចុប្បន្ន បានកើនដល់៩២ម៉ឺនគ្រឿង។  លោកបានលើកឡើងក្នុងពិធីសម្ពោធ​​ដាក់ឱ្យប្រើប្រាស់ផ្លូវជាតិលេខ១១ ក្នុងខេត្តព្រៃវែង កាលពីថ្ងៃទី៦ធ្នូ ដូច្នេះ៖ « ​​ឆ្នាំ១៩៩៨ កម្ពុជាមានរថយន្តដែលចរាចរណ៍តាមដងផ្លូវនៅទូទាំងប្រទេសត្រឹមតែ៦,៥ម៉ឺនគ្រឿង ប៉ុន្តែ បច្ចុប្បន្នចំនួនរថយន្តនៅកម្ពុជា បានកើនរហូត៩២ម៉ឺនគ្រឿង»។

 

ចំពោះការនាំចូលរថយន្តនេះ រដ្ឋាភិបាល ក៏បានប្រាប់ឱ្យម្ចាស់យានយន្តបង់ពន្ធឱ្យបានត្រឹមត្រូវផងដែរ ដើម្បីចៀសវាងការផាកពិន័យធ្ងន់ធ្ងរ៕