«ខួ» ជាកិរិយាសព្ទ ដែលមានន័យថា ធ្វើសម្លមួយយ៉ាងឈ្មោះ ខួ ។ ជានាមសព្ទ «ខួ» សំដៅ​លើ​ឈ្មោះសម្លមួយយ៉ាង ដែលគេយកក្ដាម ឬ បង្កង មកបុកឲ្យល្អិត ហើយលាយនឹងទឹក ពូតយករសជាតិមកចម្អិន។ ខួក្ដាម, ខួបង្កង ។

 

ដូច្នេះ ការសរសេរថា «ខួរក្តាម» ឬ «ខួរបង្កង» កន្លងមក មិន​ត្រឹមត្រូវឡើយ សម្រាប់​ការហៅ​លើ​សម្ល​ប្រភេទនេះ។ 

 

រីឯពាក្យ «ខួរ» វិញ ជា​នាមសព្ទដែលមានន័យថា អាការនៅក្នុងក្បាល ឬ ក្នុងឆ្អឹងខាប់ដូចចាហួយ។ ខួរក្បាល, ខួរឆ្អឹង ។ បើចង់និយាយ​ថា «ខួរក្តាម» ឬ «ខួរបង្កង» ក្នុងន័យមួយបែបទៀត គឺមិន​ខុសនោះឡើយ។ មនុស្សខួរក្តាម? មនុស្សខួរបង្កង?